Sylny wukon k zazběhej sezony
Budissa Budyšin – RB Lipsk II 1:1 (1:1)
Zestawa domjacych: J. Jakubov – Heppner, Klippel, Pfanne, Kral, Rosendo (90. Čermák), Hoßmang, Rupf (78. Walther), Reher (72. Hansch), A. Jakubov, Salewski
Skónčnje! Dołhi čas přihotow na nowu sezonu je nimo, regionalna koparska liga hraje zaso wo dypki. Wčera, njedźelu, startowaše Budissa Budyšin do sezony 2015/2016, přećiwnik na Młynkec łuce běše RB Lipsk II. Rezerwa Lipšćanskeho zwjazkoweho ligista bě do sprjewineho města z młodym a sylnym cyłkom přijěła. Trenar Budissy Tomaš Henčl chcyše hru wězo dobyć, štož pak njebě tak jednore. Po bjezwrotowym zazběhu poradźi so Siebeckej 0:1 (21.). Budyšenjo nětko wězo wšitko spytachu, zo bychu wurunali. Alexanderej Jakubovej so to krótko do połčasa poradźi. Wón zhłójčkowa z krótkeje distancy 1:1 (45.).
Zestawa staflow Zapadołužiskeho koparskeho zwjazka 2015/2016
Póst Germania Budyšin II
ST Budyšin
ST Porchow
ST Hnašecy/Dobruša II
ST Hodźij 04
HZ Wulka Dubrawa/Minakał
HZ Budestecy/Korzym
ST Mały Wjelkow
ST Kubšicy
Traktor Malešecy
TSV Wjazońca 90
ST 1922 Radwor
Concordia Załom
TSV 1859 Wjernarjecy
TSV Wóspork/Hrodźišćo
LSV Hory 1990 II
LSV Bluń 74
FC Łužica Wojerecy
Wojerecy 1919
HZ Hórnikecy
Rakečanske ST II
ST Lubuš
HZ Łaz/Běły Chołmc
Módro-běli Njeswačidło
LSV Nowe Město nad Sprjewju II
Sokoł Ralbicy/Hórki II
FSV Šćeńca 1956
ST Nadrózna Hrabowka
ST Wětnica/Hola
ST Ćisk II
FV Arnsdorf
Natwar Němske Pazlicy
SV Frankenthal
SV Großdrebnitz
Postup Großharthau
SV Großnaundorf
SC 1911 Großröhrsdorf II
ST Haselbachtal
Jednota Kamjenc II
ST Marijina hwězda
SJ Njebjelčicy
ST Wóslink/Skaskow
HZ Ottendorf/Liegau
Zeleno-běli Sepicy
SC Hlinowc 1931
Widźał, słyšał, napisał (27.07.15)
Awtor dźensa
Jurij Nuk
Wot lěta 1954 trenowach a wubědźowach so lětdźesatk w běhanju na srjedźnych a dlěšich distancach jako čłon sportoweju klubow SC Rotacija Lipsk a SC Lipsk nimo swojeho regularneho studija slawistiki w Lipsku (1953–1958) a slědowaceho pedagogiskeho skutkowanja na Serbskim wučerskim wustawje w Budyšinje (wot 1958). Za mjenowanej klubaj sym so wězo na mnohich lochkoatletiskich wurisanjach republiki kaž tež w Čěskej a Pólskej wubědźował. Tak sym direktnje w stadionach někotryžkuli wurjadny sportowy wukon abo nowy hrajny abo samo tež swětowy rekord w lochkoatletice sobu dožiwił. Wot lěta 1965 startowach potom za BSG Motor Budyšin, ale nic wjace w tak wulkim wobłuku kaž do toho w Lipsku. Wuznamne mjezynarodne wubědźowanja lochkoatletiki wopytowach nětko ze swójbnymi jako přihladowar w Drježdźanach, Lipsku a Berlinje.
Wuslědki (27.07.15)
Kopańca, regionalna liga
Rathenow – Berlinski AK 0:0 (0:0)
Auerbach – Jena 0:3 (0:2)
BFC Dynamo – Zwickau 0:3 (0:1)
Luckenwalde – Hertha II 0:1 (0:0)
Budyšin – RB Lipsk II 1:1 (1:1)
Schönberg – Halberstadt 1:0 (1:0)
Meuselwitz – Neugersdorf 0:2 (0:0)
Viktoria Berlin – Babelsberg 0:0 (0:0)
Nordhausen – Neustrelitz 2:0 (0:0)
1. Jena 1 3 : 0 3
1. Zwickau 1 3 : 0 3
3. Neugersdorf 1 2 : 0 3
3. Nordhausen 1 2 : 0 3
5. Schönberg 1 1 : 0 3
5. Hertha II 1 1 : 0 3
7. Budyšin 1 1 : 1 1
7. RB Lipsk II 1 1 : 1 1
9. Berlinski AK 1 0 : 0 1
9. Viktoria Berlin 1 0 : 0 1
9. Rathenow 1 0 : 0 1
9. Babelsberg 1 0 : 0 1
13. Luckenwalde 1 0 : 1 0
13. Halberstadt 1 0 : 1 0
15. Neustrelitz 1 0 : 2 0
15. Meuselwitz 1 0 : 2 0
17. BFC Dynamo 1 0 : 3 0
17. Auerbach 1 0 : 3 0
Sport (24.07.15)
Budissa startuje doma
Regionalny koparski ligist Budissa Budyšin startuje njedźelu z domjacej hru do sezony 2015/2016, kotraž budźe zdobom druha w regionalnej lize za chowancow Tomaša Henčla. Zakop hry je w 13 hodź. Přećiwnik budźe RB Lipsk II, sudnik Alexander Sather.
Sokoł pokal zakituje
W Němskich Pazlicach zarjaduje sportowa jednotka Natwar Němske Pazlicy dźensa wječor 50. pokalny turněr. Lońši dobyćer, cyłk Sokoła Ralbicy/Hórki, je tež zaso přizjewjeny. Nimo toho nastupja tam Zeleno-běli Sepicy, SJ Njebjelčicy a hosćićelske mustwo. Wot 18 hodź. hraja Němske Pazlicy Ü 35 přećiwo přećelskemu kruhej ze wsy Ü 35. Wot 19.15 hodź. stejitej połfinalnej hrě na planje, w 20.15 hodź. wubědźuja so wo třeće městno a w 21.15 hodź. zahwizda sudnik finale.
Beachvolleyball w Hórkach
Młoda žołma Radijo Satkula wusyła póndźelu zaso live, a to z Hórkow. Tam přewjedu dalši treningowy turněr za beachvolleyballowe zarjadowanje 17. awgusta w Miłoćicach. Póndźelny turněr w Hórkach započnje so we 18 hodź.
Do Baćonja a Róžanta
Krämer nochce žanoho z nowych parować
Trenar FC Energije Choćebuz Stefan
Krämer
Georg Zielonkowski w rozmołwje z trenarjom FC Energije Choćebuz
Kak je z Wašeho fachoweho wida přihot na nowu hrajnu dobu wotběžał? Měnju přihotowansku fazu z testowymi hrami.
S. Krämer: Mi je so hra přećiwo Viktoriji Berlin wot 30. minuty sem jara lubiła, dokelž smy po letargiji skónčnje wotućili. Njejsmy přećiwo regionalnemu ligistej ani jednu wrotowu móžnosć dopušćili. To njeje samozrozumliwe a dyrbjało tež w přichodźe tak być. Šansy pak dyrbjeli so lěpje wužiwać. Tam mamy na kóždy pad hišće rezerwy. W testowych hrach smy drje 50 razow trjechili, ale zdźěla přećiwo nišoklasowym přećiwnikam. To njesměmy nadhódnoćić. Naposledk smy 2:6 přećiwo načolnemu mustwu z Čěskeje, Sparće z Prahi, wobstali. Někotre přećiwniske wrota su mje chětro mjerzali. Jim bychmy zadźěwać móhli. Na tamnej stronje je nam sylny přećiwnik naše słabosće pokazał.
Mustwo ma po prominentnych wotchadach někotrych nowych koparjow. Su woni wočakowanja hižo spjelnili?
Bjez šansy w testowej hrě
ST Marijina hwězda
– Jednota Kamjenc 1:13 (1:8)
Za domjacych zasadźeni: O. Schmidt, Mattick – Škoda, Łušćanski, Wróbl, Hawš, Bělk, Jurš, Rab, P. Schmidt, Winkler, Pakoßnick, Sbjeznie, Kral, Czapik.
Tajke prawe wužadanje měješe minjenu njedźelu w prěnjej testowej hrě prěnje koparske mustwo ST Marijineje hwězdy zmištrować. Wone nastupi přećiwo Jednoće Kamjenc. Krajny ligist bě technisce jasnje lěpši a spěšniši hač wokrjesny ligist. Partija skónči so tuž z jasnej poražku 1:13 za Pančičanow.
Wrota za Jednotu Kamjenc třělichu Höer (5), Häfner (2), Azad (2), Schidun (2), Pannach a Kloß.
W prěnim połčasu bě Křesćan Bělk z jědnatku 1:2 za ST Marijinu hwězdu trjechił.Tobias Nowak
W treningowym lěhwje wobeju přećiwnikow přewinyli
FC Čerwjeno-běli Erfurt II – FSV Budissa Budyšin 0:3 (0:0)
Zestawa Budissy: J. Jakubov – Heppner, Fröhlich (37. Klippel), Pfanne, Kral, Rosendo, Hoßmang, Rupf, Reher, A. Jakubov (78. Heineccius), Salewski (78. Hansch)
Do starta noweje hrajneje doby njedźelu w 13 hodź. přebywachu chowancy koparskeho trenarja Tomaša Henčla w treningowym lěhwje w Bad Blankenburgu. Tam absolwowachu tež dwě dalšej testowej hrě. Minjenu sobotu nastupichu přećiwo Čerwjeno-běłym Erfurt II a dominowachu cyłe 90 minutow. W prěnim połčasu pak nochcychu so žane wrota poradźić. Zranjenja dla dyrbješe Fröhlich kopanišćo wopušćić. Za njeho hraješe dale Klippel (37.), a jemu poradźi so w 50. min. 0:1. Salewski zwyši na 0:2 (68.), a Alexander Jakubov postara so wo kónčne 0:3 (75.).
Jednota Rudolstadt – Budissa Budyšin 0:3 (0:2)
Zestawa Budissy: Große – Kolan, Klippel, Heppner, Čermák, Walther, Hausdorf, Rupf (66. Rosendo), Barnickel (75. Reher), Heineccius (75. A. Jakubov), Hansch
Dwójna nula turněr rozsudźiła
Druha etapa beachvolleyballoweje tury Radija Satkula wotmě so wčera w Konjecach. Dohromady dwanaće mustwow bě sej do Delan dojěło, zo bychu hromadźe sportowali. Wot wječora napoł sedmich so holcy a hólcy wubědźowachu. Prěnja etapa bě so tydźenja w Nuknicy přewjedła. Mjez wjesnymi mustwami wčerawšeho wječora běchu tež někotre z kurioznymi mjenami kaž „Twarnišćo“, „Něke nic“ abo „Dźiće domoj“. Faworit Škit Budyšin zawěsći sej 3. městno, zastupnistwo Konječanskeho młodźinskeho kluba štwórte. Dobyło je turněr mustwo Dwójna nula, kotrež přesadźi so w kónčnej hrě z 15:7 přećiwo Chróšćanskemu cyłkej.
Za organizaciju a zastaranje je Konječansko-Šunowski młodźinski klub wot přihladowarjow kaž tež wot wobdźělnikow jara dobry wothłós žnjał.
Přichodne etapy beachvolleyballoweje tury Radija Satkula budu 27. julija Hórki, 3. awgusta Róžant a tydźeń pozdźišo Kulowc. 17. awgusta ma so potom wulke finale w Miłoćicach přewjesć, a to w Bobkec jěchanskej hali. Gloria Žurec
Budissa startuje kónc tydźenja do noweje sezony
Pjatk započnje so w regionalnej koparskej lize Sewjerowuchod sezona 2015/2016. Přichodnu njedźelu startuje potom tež Budissa Budyšin z domjacej hru přećiwo rezerwje RB Lipsk. Hru zahwizda sudnik Alexander Sather w 13 hodź. Do zazběha je Hanspeter Benad ze šeftrenarjom Budissy Tomašom Henčlom porěčał.
Njedźelu zahaji so nowa hrajna doba. Sće z přihotom na nju spokojom?
T. Henčl: Hač na zranjenja Kuhnerta, Patki a Fröhlicha to sym. Tež treningowe lěhwo bě połny wuspěch. Z wuslědkami testowych hrow a treningowych jednotkow běch jara spokojom. Mustwo je derje sobu dźěłało. Smy na sezonu 2015/2016 derje přihotowani.
Su hry přećiwo Dynamu Drježdźany, Čerwjeno-běłym Erfurt II a Jednoće Rudolstadt někajke nowe dopóznaća wunjesli?
T. Henčl: Za mnje bě jara zajimawe widźeć, zo Christoph Klippel na swojej poziciji wurjadnje hraje.
Z Pfannu, Heppnerom, Kuhnertom, Čermákom, Rupfom, Hanschom a Heineciusom sće so zesylnili. Běchu to tež koparjo, kotrychž sće sej přał?
T. Henčl: Haj, sym so z hrajerjemi dołho zaběrał. Wosebje ći młodźi su z wulkim elanom při wěcy.
