Sport (09.12.22)
Worklečanki doma
Prěnje wolejbulowe mustwo žonow Viktorije Worklecy nastupi we wobwodnej lize stafla dwaj jutře prěni raz doma a hraje najprjedy přećiwo poslednjemu tabulki CVJM Zhorjelc a po tym přećiwo načolnikej ST Kupoj/Nowa Łuka. Njedźelu změje Worklečanska wolejbulowa rezerwa muži swój druhi hrajny dźeń we Wojerecach a Budyscy Sokoljo hraja potom póndźelu dwójce.
10.12 14:00 Viktoria Worklecy I –
CVJM Zhorjelc II
10.12 14:00 Viktoria Worklecy I –
ST Kupoj/Nowa Łuka
11.12. 10:00 2. hrajny dźeń
Worklecy II (mužojo)
12.12. 19:30 Sokoł Budyšin –
TSV Wóspork
12.12. 20:30 Sokoł Budyšin –
ST Budyšin sewjer
Druhe městno skrućić
W prěnjej wokrjesnej lize, skupina I nastupi prěnje blidotenisowe mustwo DJK Konjecy dźensa wječor doma w Konjecach přećiwo ST Wallroda. Prěnja hra dwójkow započina so na wjesnej žurli w 19 hodź.
Koparjo na cilowej čarje
Wuslědki (08.12.22)
kopańca, krajna klasa
B. Drježdźany – Rakečanske ST 5:0 (3:0)
SV Wesenitzal – Droh. Ramnow wupad
Drježdźanski SC – Sebnica 4:0 (1:0)
Wojerecy – Nowosólc-Hródk 1:2 (1:1)
Přezjed. Niska – TSV Cossebaude 4:2 (2:1)
VfB Běła Woda – SJ Chrósćicy 2:2 (2:1)
Rot. Drježdźany – SG Weixdorf 1:0 (1:0)
1. Borea Drježdźany 14 47 : 15 35
2. FV Přezjednota Niska 13 44 : 11 31
3. Rotacija Drježdźany 13 24 : 13 28
4. SJ Chrósćicy 14 21 : 13 21
5. FSV Nowosólc-Hródk 13 28 : 19 19
6. Drježdźanski SC 14 21 : 19 19
7. SG Weixdorf 14 27 : 30 18
8. Běła Woda 14 29 : 34 18
9. Rakečanske ST 13 25 : 32 16
10. SV Wesenitzal 11 24 : 21 15
11. Wojerowski FC 14 24 : 25 15
12. TSV Cossebaude 14 24 : 34 13
13. Radebergerske ST 14 27 : 46 13
14. Drohotka Ramnow 13 23 : 39 8
15. Sebnica 14 17 : 54 8
16. VfB Žitawa zg. 0 0 : 0 0
wokrjesna wyša liga
Hnašecy-Dobruša – Něm. Pazlicy 3:0 (1:0)
Łaz/Běły Chołmc – Sokoł1:1 (1:1)
ST Ćisk – SG Großnaundorf 1:3 (0:1)
Ottendorf-Okrilla – M.-b. Kulow 0:3 (0:2)
Wachau – Póst Ger. Budyšin 0:6 (0:2)
Kinspork/Łužnica – ST Radwor 1:4 (0:2)
ST Porchow – SC Großröhrsdorf 3:1 (2:1)
1. Biskopičanske KT II 13 41 : 10 34
2. Módro-běli Kulow 14 29 : 10 32
3. Natwar Němske Pazlicy 14 31 : 15 29
4. Póst Germania Budyšin 14 35 : 20 28
5. ST Hnašecy-Dobruša 14 41 : 23 27
6. SG Großnaundorf 14 22 : 20 24
7. ST Horni kraj-Sprjewja 12 36 : 23 22
8. Sokoł Ralbicy/Hórki 14 33 : 21 22
9. FV Ottendorf-Okrilla 14 32 : 30 21
10. HZ Łaz/Běły Chołmc 14 22 : 21 19
11. SC Großröhrsdorf 14 20 : 22 13
12. TSV Wachau 14 19 : 41 13
13. ST Radwor 13 19 : 36 12
14. ST Porchow 14 20 : 47 10
15. ST Ćisk 14 15 : 48 6
16. ST Kinspork/Łužnica 14 16 : 44 5
wokrjesna liga, stafla I
Wjernarjecy – Wjazońca 1:5 (1:1)
Prěni strózby mjezyfacit swětowych mišterstwow
Po 17 hrajnych dnjach koparskich swětowych mišterstwow (WM) běše wčera prěni dźeń přestawki bjez hry, doniž njepóńdźe jutře dale ze štwórćfinalomaj. Tak hodźi so prěni mjezyfacit sćahnyć.
Zo pjenjezy při swětowych mišterstwach w srjedźišću steja, to dyrbjachu přiwisnicy sporta tež hižo w zašłosći akceptować. Tola lětsa je to hišće raz na cyle nowym niwowje. Dokelž je WM w Katarje z hoberskim wotstawkom dotal w přirunanju najdróša, njezadźiwa, zo dyrbi přihladowar lětsa prěni raz pjenjezy płaćić, hdyž chce wšě hry live widźeć. Tak so w minjenych tydźenjach wjele ludźi prašeše, hdźe so hry pokazaja, hdyž nic pola ARD abo ZDF? „Pjenježny“ sćelak Magenta TV je sej mjenujcy prawa za wšitke partije zawěsćił. Tak je hižo jasne, zo so štwórćfinalna hra mjez Brazilskej a Chorwatskej jutře w 16 hodź. jeničce na Magenta TV pokaza.
Nimale načolne městno docpěli
Čerwjeno-běli Erfurt –
Energija Choćebuz 2:2 (0:1)
Zestawa Energija Choćebuz: Bethke – Hasse, Slamar, Hildebrandt, Borgmann, Kujović, Hofmann, Oesterhelweg (78. Eisenhuth), Badu (93. Abu-Alfa), Hottmann, Wähling.
Načolnu hru pola Čerwjeno-běłych Erfurt njemóžeše FC Energija dobyć, a z tym nic kaž po přeću prěnje městno w tabulce regionalneje ligi sewjerowuchod wobsadźić. Načolnik tabulki Erfurt wuruna nawjedowanje 2:0 Energije mjenujcy w běhu pjeć mjeńšinow. Tak wostanje na čole regionalneje ligi wšitko při starym. Erfurt je dale dypk před druhim Choćebuz.
Lěto z dobyćom zakónčili
ST Marijina hwězda –
ST Łuty 2:1 (1:0)
zestawa domjacych: Matik – L. Hoge (74. Pi. Lugge), Zynda, K. Pakoßnick, Wróbl, Pa. Lugge (46. Zelnak), Eldor, Ch. Cyž, F. Langer, J. Pakoßnick (84. Čornak), Bulank (65. Clausen)
Přez nóc bě sněh hrajnišći w Pančicach-Kukowje z běłymaj płachtomaj pokrył. Sudnik Frank Schulze pak njewidźeše žane přičiny partiju wotprajić. Trawnik njebě zmjerznjeny. Nimo toho postara so domjace mustwo, zo běchu linije porjadne widźeć. Tak móžeše so horcy bój wo kulowatu kožu započinać.
Wubranka Marokka sensaciju docpěła
Španiska bě wčera we wosmifinalnej hrě swětowych koparskich mišterstwow dominantne mustwo, wrota pak w regularnym a přidatnym hrajnym času žane njetřěli. A tež w třělenju jědnatkow zaprajichu mjenujcy superstaram čuwy. Marokkočan pohlada, krótki zaběh, cyle wólny chip dosrjedź wrotow, potom bě sensacija perfektna. Achraf Hakimi rozsudźi třělenje jědnatkow we wosmifinalu mjez Marokkom a Španiskej na dobro Afričanow. Do toho bě Španiska swoje prěnje tři pospyty rozdała. Pablo Sarabija trjechi žerdź, potom parěrowaše wrotar Bono přećiwo Carlosej Solerej a Sergijej Busquetsej. Hakimi přetwori rozsudnu jědnatku a postara so wo wurjadnu kulisu w stadionje. Španiska měješe 77 procentow hrajneho časa bul, ale w kopańcy liča jenož wrota a tute wone po 120 mjeńšinach njedocpěchu. Marokkočenjo steja prěni króć w swojich stawiznach we WM štwórćfinalu. Tam nastupja sobotu w 16 hodź. přećiwo Portugalskej.
Wuslědki (07.12.22)
kopańca, wokrjesna liga stafla II
ST Marijina hwězda – FSV Łuty 2:1 (1:0)
ST Lubuš – LSV Hory3:3 (0:1)
1. ST Hlinowc 13 56 : 7 39
2. ST Němske Pazlicy II 13 39 : 13 31
3. LSV Hory 13 45 : 28 28
4. ST Marijina hwězda 13 30 : 20 26
5. Łuty 13 25 : 19 23
6. ST Lubuš 13 35 : 22 21
7. Módro-běli Minakał 13 33 : 29 19
8. Wóslink/Ska./Kulow II 13 22 : 32 17
9. ST Wulka Dubrawa 13 22 : 27 16
10. SJ Chrósćicy II 13 19 : 37 11
11. Wojerowski FC II 13 20 : 28 10
12. Rakečanske ST II 13 25 : 56 8
13. SJ Njebjelčicy 13 14 : 37 5
14. Zeleno-běli Sepicy 13 17 : 47 5
Dypk krótko do kónca zaručili
VfB Běła Woda –
SJ Chrósćicy 2:2 (2:1)
zestawa hosći: Králíček – Janca, F. Cyž, Sentiwan (12. Rätze (75. Wencel), Hawš (46. Kreuz), L. Zahrodnik, M. Zahrodnik, G. Zahrodnik, Młynk, Krawc (68. Wornar), Bogusz
Łužiske lodohokejowe liški njedźelu zaso přěhrali
Lodowe lawy Regensburg –
Łužiske lodohokejowe liški 3:1
(2:0, 0:1, 1:0)
Liški su wospjet z 1:3 přećiwo Regensburgej přěhrali. To je strózby facit po wonkownej hrě w Hornjej Pfalcy. Słabej prěnjej třećinje Liškow sćěhowaše sylniša druha a přerosćena třeća. Jónu bóle pokazachu so słabosće w hrě z hrajerjom wjac na lodźe, přetož štyri móžnosće wostachu njewužite. Regensburg porno tomu wuži jednu z dweju składnosćow a staji z tym wuhibki na dobyće. Wrota za domjacych docpěštaj Corey Trivino a dwoje Constantin Ontl. Jeničke wrota za Běłu Wodu přetwori Clarke Breitkreuz, a to samo z hrajerjom mjenje na lodźe. Jako běštaj so wrotar a škitar Lawow njedorozumiłoj, suny čisło 71 Liškow puk přez wrotowu liniju. Tak dyrbi so Běła Woda znowa na njedźeli přećiwnikej snadnje zbita dać, byrnjež běštaj bój a nastajenje zwjetša trjechiłoj.
W poslednej sekundźe dobyli
Łužiske lodohokejowe liški –
EC Kassel Huskies 4:3 p. p.
(0:0, 3:1, 0:2 - 1:0)
Brazilčenjo kuzłali kaž swětowy mišter
Brazilska steji po suwerenym dobyću 4:1 přećiwo Južnej Koreji w štwórćfinalu WM w Katarje. Bě to wot wšeho spočatka demonstracija mocy Brazilčanow. Južnoameričenjo nawjedowachu hnydom ze swojim prěnim pospytom. Raphinha přesadźi so na prawej stronje, přinjese bul nisko a wótrje do šěsnatki. Neymar jón hišće skomdźi, ale Vinícius Júnior bě na městnje (7.). Brazilska hraješe dale z wjele wjeselom doprědka, Kim Young-Gwon přińdźe w šěsnatce přećiwo Richarlisonej přepozdźe. Jědnatku přetwori Neymar (13.). Hra bě rozsudźena, prjedy hač bě so prawje započała. Richarlison (29.) a Lucas Paquetá (36.) postaraštaj so wo połčasny staw 4:0. Čestne wrota poradźichu so něhdyšemu hrajerjej SV Darmstadta Paikej Seung-Ho, kiž z distancy trjechi (76.). Přećiwnik za štwórćfinale je so w hrě mjez Japanskej a Chorwatskej wuhrał. W tutej partiji słušeše prěnja połojca Japanjanam. Najprjedy misny Shogo Taniguchi z hłójčkowanym bulom wrota. Potom skomdźištaj Daizen Maeda a Yuto Nagatomo dobru flanku. Najlěpšu móžnosć za Chorwatsku wuwostaji Ivan Perišić. Ćišć Japanjanow pak měješe so hišće w prěnjej połojcy wupłaćić.
