Slaviamarsch – zarjadowanje, kotrež generacije zwjazuje
Pućowanje je dźeń a woblubowaniše. Runje z tuteje přičiny nasta loni prěni raz tak mjenowany „Slaviamarsch“. Je to organizowane pućowanje na čarje 50 kilometrow, kiž ma so w běhu 12 hodźinow absolwować. Njeje potajkim njedźelniše wuchodźowanje, ale za mnohich překročenje wosobinskich hranicow. Tola přiwšěm njeje to wubědźowanje, ale skerje wjeselo za wšitkich.
Sobotu rano, krótko po sedmich, zetkachu so sportowče a sportowcy na Hórčanskim sportnišću. Na hrajnišću, hdźež hewak koparjo Zeleno-běli Hórki za bulom honja abo konjacy sportowcy sportuja, steješe wulki módry wrotowy wobłuk, kiž signalizowaše startowy teritorij. Dohromady 184 zmužitych chcyše so na kołoběh přez dwurěčnu kónčinu podać. Najmłódši mjez nimi bě 11 lět, najstarši nimale 70. A wobaj dokónčištaj čaru.
Widźał, słyšał, napisał (05.06.23)
Awtor dźensa
Tomaš Faska
Sport (02.06.23)
Pjaty Hornjołužiski běh
Sportowe towarstwo Huska zarjaduje a wuhotuje jutře w Husce pjate Hornjołužiske wubědźowanje běharkow a běharjow. Start a cil wšitkich distancow budźetej při sportowej hali w Husce. Rano w 9 hodź. startuje wulke běhanske wurisanje na distancy 60 km. Tři hodźiny pozdźišo započnje so „Mały Hornjołužičan“ přez distancu 16 km. Běharki a běharjo smědźa so tež zaso za „Srjedźny Hornjołužičan“ (27 km) přizjewić. Tón započnje so w 11 hodź. Dotal je so 230 sportowčow a sportowcow přizjewiło.
Jutře wulke pućowanje
Dwanaće hodźinske wutrajne pućowanje „Slaviamarsch“ jutře w Hórkach přez distancu 50 km započnje so rano we 8.00 hodź. Start a cil budźetej w Hórčan stadionje.
Třikrajowy turněr za dorost
W Holešowskej Dubrawce pola Njeswačidła přewjedźe Jěchanske sportowe towarstwo Njeswačidło wot 3. do 4. junija šesty třikrajowy skakanski turněr za dorostowe jěcharki a dorostowych jěcharjow. Jutře sobotu wubědźuja so dwójki wot 8.00 do 18.30 hodź., njedźelu wot 8.30 do 16.45 hodź.
Kónctydźenska kopańca
03.06. 13:00 Ralbicy II/Njebjelčicy II –
HZ Nadrózna Hrabowka
03.06. 15:00 TSV Wachau –
Módro-běli Kulow
Radworscy Kulowčanam dypki darili
ST Radwor –
Módro-běli Kulow 0:2 (0:1)
Zestawa domjacych: Grenzemann – Reinecke, Pěčak, Šěrak, Paška (60. Wjeńka), Wjacławk (84. B. Grubert), Schöne (72. Glücklich), Nuk, M. Grubert (46. Schulze), Měrčink, Šnajder
Zestawa hosći: Franc – Žur (60. Krawc), Korch, Koplanski, Thomas, Wehlan. Bulang (51. Kirsch), Brückner, Wittek (74. Popjela), Bergmann, Nicolaides (91. Gomes)
W druhej hrě nachwatanskeho jendźelskeho tydźenja steješe přećiwnik z Kulowa w Radworju na hrajnišću. Bě to přećiwnik, kotryž měł we wšěch naležnosćach lěpši być hač Radwor, hdyž hladaš na tabulku wokrjesneje wyšeje ligi.
Po zahwizdanju partije bě to wote-wrjena hra, při čimž měješe Kulow prěnju šansu w prěnich pjeć mjeńšin. Tola tež Radwor jara derje sobu dźeržeše. Woni běchu mjenujcy w dwubojach prezentniše. Tola přez indiwidualny zmylk w swójskich wotwobaranskich rjadach přeprosychu přećiwnika nawjedować, a to w 30 min. přez Franka Witteka.
Wuslědki (01.06.23)
Kopańca, regionalna liga muži
1. FC Energija Choćebuz 34 65 : 28 70
2. FC Carl Zeiss Jena 34 59 : 22 63
3. FC Čerwjeno-běli Erfurt 34 63 : 32 63
4. Lok Lipsk 34 60 : 42 60
5. VSG Altglienicke 34 66 : 37 59
6. BFC Dynamo 34 58 : 45 56
7. BSG Chemija Lipsk 34 50 : 45 53
8. Kamjeničanski FC 34 47 : 33 52
9. Hertha BSC II 34 59 : 52 52
10. SV Babelsberg 34 46 : 41 49
11. Berlinski AK 34 48 : 54 49
12. FC Viktoria Berlin 34 46 : 47 45
13. FSV Luckenwalde 34 45 : 51 44
14. Greifswaldski KK 34 47 : 61 37
15. ZFC Meuselwitz 34 51 : 67 35
16. SV Lichtenberg 34 37 : 69 27
17. Germania Halberstadt 34 29 : 75 16
18. Tennis Borussia Berlin 34 27 : 102 13
Wokrjesna liga stafla II
ST Wulka Dubrawa – Minakał 1:0 (0:0)
LSV Hory – ST Marijina hwězda 1:2 (1:1)
1. ST Hlinowc 23 88 : 25 60
2. LSV Hory 23 76 : 51 45
3. FSV Łuty 23 47 : 29 44
4. ST Marijina hwězda 23 52 : 36 43
5. Nat. Němske Pazlicy II 23 59 : 33 42
6. ST Lubuš 23 63 : 47 36
7. Módro-běli Minakał 23 57 : 44 36
8. ST Wulka Dubrawa 23 32 : 43 32
9. Wojerowski FC II 23 44 : 40 30
10. SJ Chrósćicy II 23 34 : 53 24
11. Wósl./Skask./Kulow II 23 32 : 55 22
12. Rakečanske ST II 22 35 : 80 16
13. SJ Njebjelčicy 22 23 : 60 13
14. Zeleno-běli Sepicy 23 32 : 78 11
Šulerjo sakske finale docpěli
Bičwolejbulisća 7. do 9. lětnika Serbskeho gymnazija Budyšin (SGB) dobychu w Sprjewinej kupjeli wuchodosakske finale we wurisanju „Młodźina trenuje za olympiju“. Sportowče a sportowcy SWŠ Worklecy mytowachu so z bronzu mjez štyrjomi startowacymi šulemi.
Při chłódnych temperaturach wokoło 10 stopjenjow wotmě so minjenu srjedu w Sprjewinej kupjeli w Budyšinje kónčne regionalne koło starobneje skupiny III w bičwolejbulu. Šulerki a šulerjo SGB z kapitanom Karlom Krječmarjom nastupichu přećiwo dalšim třom šulam wuchodneje Sakskeje, zo bychu swojeho dobyćerja a kwalifikanta za krajne finale zwěsćili. Hakle w poslednjej hrě dnja mjez mustwomaj Serbskeje wyšej šule „Michał Hórnik“ Worklecy a Christiana Weisowemu gymnazijej Žitawa padny snadny rozsud k lěpšinje SGB.
Hru nachwatali a krótko do kónca přěhrali
SJ Chrósćicy II –
Hlinowski SK 2:3 (0:1)
Zestawa domjacych: Škoda – M. Donat (16. S. Handrik), Cyž, Zynda, Mark, Wornar, C. Handrik, Liznar, Matik, B. Donat (61. Wenzel), Dźisławk (57. Paška)
Na dnju Božeho spěća bě Chróšćan druhe mustwo načolnika tabulki wokrjesneje ligi z Hlinowca na nachwatansku hru witało.
Hnydom wot spočatka sem hosćo na wrota tłóčachu a domjacy škit k zmylkam nuzowachu. Tak měješe wrotar Škoda po 7 min. zbožo, zo třělwa praweho wonkowneho hrajerja Hlinowčanow jenož na prěčnu łatu dyri. W 10. min. pak so defensiwa domjacych stabilizowaše a nadběhi hosći dosć derje wotwobara. Swójske móžnosće sej sami přez kontory wuhrachu, tola k jasnym šansam njedóńdźe. Tři mjeńšiny do połčasa bu wysoki bul do šěsnatki Chróšćanow hraty. Tutón drje škitar wotwobara, při tym pak z přewysokej nohu přećiwnika trjechi. Tak sudnik zahwizda a na pokutny kop rozsudźi. Třělc Hlinowčanow tutón přetwori.
Kołwrótna hra
Chemija Lipsk –
Energija Choćebuz 0:0
Energija Choćebuz: Sebald – Milde (63. Hottmann), Slamar, Hildebrandt (46. Eisenhuth), Borgmann, Kujović, Erlbeck (63. Kaizer), Geisler (82. Wagner), Badu, Heike (71. Wähling), Shcherbakovski.
K nadźijomnje dołhodobnje poslednjej dypkowej hrě regionalneje ligi je sej FC Energija Choćebuz do Lipska dojěła, zo by tam přećiwo Chemiji Lipsk wo dypki hrała. Trenar Claus Dieter Wollitz bě swoju jědnatku na šěsć pozicijach změnił, po wšěm zdaću zo by někotrym hrajerjam za rozsudnu fazu sezony z krajnym pokalnym finalom a relegaciskimaj hromaj přećiwo Unterhachingej trochu měra dał.
Ze sylnym wustupowanjom dypkowali
LSV Hory –
ST Marijina hwězda 1:2 (1:1)
Zestawa hosći: Matik – Weclich, K. Pakoßnik, Wróbl, Lipič (84. Hübner), Čornak, Cyž, Schmidt, Clausen, J. Pakoßnik (71. Wünsche), Eldor
Chětro zesłabjeni, hladajo na personalnu situaciju, podachu so koparjo Marijineje hwězdy swjatki njedźelu na nachwatansku hru k druhemu tabulki wokrjesneje ligi k LSV Hory.
Znowa turněraj přewjedli
W Pěskecach je so tradicionalny swjatkowny swjedźeń minjeny kónc tydźenja zaso wotměł. Kaž hižo loni njeje so jenož koparski turněr wjesnych cyłkow wuhrał, ale tež turněr starobneje klasy młodźiny E swjatki njedźelu. Wosom serbskich dorostowych koparskich mustwow bě Sportowe towarstwo Pěskecy přeprosyło. Na kóncu je mustwo Sokoła Ralbicy/Hórki zasłužene ze sydom dobyćemi w sydom hrach triumfowało. Za najlěpšeho wrotarja bu hrajer Sokoła Stani Žur wuzwoleny. Najlěpši hrajerjo běchu jich hnydom třo, Jurij Bětnar Sokoła Ralbicy/Hórki, Elias Jakubaš Sportoweje jednotki Chrósćicy a Martin Schlage Módro-běłych z Kulowa, kiž bě z wosom wrotami zdobom tež najlěpši třělc.
