Ćežišćo februarskeho wudaća telewizijneho magacina Wuhladko je „generaciska změna“ na čole Domowiny. Nowa jednaćelka třěšneho zwjazka serbskich towarstwow Judit Šołćina powěda w interviewje wo swojich planach a předstawach do přichoda. Z dalšim přinoškom wěnuja so lětušemu 26. jolka-swjedźenjej w Nuknicy, kotryž bu znatych přičin dla wospjet ryzy digitalnje wuhotowany.
Składnostnje prapremjery noweje inscenacije Němsko-Serbskeho ludoweho dźiwadła „Šěrcec Hanka“ wuswětla Wuhladko pozadki titulneje rjekowki, kotrejž bě Jurij Koch z nowelu „Židowka Hana“ literarny pomnik stajił. Nimo toho přewodźeja telewiznicy wučerja na wuměnku Hansa-Jürgena Flaku, kiž w biosferowym rezerwaće Hornjołužiska hola a haty za dźiwami přirody slědźi.
Telewizija MDR wusyła Wuhladko jutře, sobotu, w 11.45 hodź. Wospjetowani slědujetej póndźelu, 7. februara, w 6.40 hodź. na samsnym sćelaku resp. sobotu, 12. februara, w 13.30 hodź. w telewiziji RBB. W mediatece ARD je magacin wot jutřišeho cyłe lěto kóždy čas přistupny.
Wustajeńcu zakónča
Kamjenc. Wustajeńca wo česćowanju swj. Bosćana w Chróšćanskej wosadźe je hišće hač do njedźele, 30. januara, w Kamjenskim sakralnym muzeju Hanineje cyrkwje přistupna. Boži dom je jutře, sobotu, a njedźelu wot 11 do 16 hodź. wotewrjeny. Zastup płaći na wosobu tři eura resp. 1,50 eurow w potuńšenju. Wopytowarjo njech wobkedźbuja hygienowe prawidło 2G+, nahubnik je trěbny.
Premjera a jubilejna gala
Pjatk 28.1. 18:30 Zwjazkowe předsydstwo Domowiny
18:30 Rjećaz swěčkow iniciatiwy Budyšin w zhromadnosći po sprjewinym měsće
19:30 Nowolětny koncert SLA w Budyskej „Krónje“
Sobotu 29.1. 14:00 Wopominanje Kita Šwjele składnostnje jeho 100. posmjertnych narodnin w Skjarbošcu (Schorbus)
Sobotu 29.1. 17:00 Nowolětny koncert SLA w Budyskej „Krónje“
19:45 Serbski filmowy wječor „Stalin, Tito a mój nan“ – dóńt Jurja Rjenča“ z Benediktom Cyžom w Chróšćanskej putniskej hospodźe
Srjedu 2.2. 15:00 Předsydstwo župy Budyšin
Štwórtk 3.2. 18:30 Swjedźenska Boža mša składnostnje wopomnjenja zbóžneho martrarja Alojsa Andrickeho w Radworskej farskej cyrkwi
njedźelu hornjoserbsce
11:00 Łužica tutón tydźeń z powěsćemi tydźenja a pokiwami
11:20 Wjesny wobraz Špikały (Spittel, wjesny dźěl Wósporka)
12:00 Nabožne wusyłanje
(Měrćin Deleńk)
po tym zbožopřeća
delnjoserbsce
12:30 Aktualny magacin, mjez druhim wo zapustach 2022 w Delnjej Łužicy
13:00 Tematiske wusyłanje: 20 lět Rěčny centrum WITAJ w Delnjej Łužicy
13:40 Nabožne wusyłanje
(Till Wojto)
po tym zbožopřeća
Sobotu 22.1. 19:45 Přednošk wo pućowanju po Zjednoćenych arabskich emiratach z Wernerom Sawatzkim w Chróšćanskej putniskej hospodźe (němsce)
Njedźelu 23.1. 10:00 Dwurěčne kemše w Rakecach