Hrajnu dobu z remisom zakónčili

štwórtk, 27. junija 2019
artikl hódnoćić
(0 )
Nadběhowar Stefan Liznar (naprawo, SJ Chrósćicy) w dwuboju z přećiwniskim hrajerjom Foto: Jörg Stephan Nadběhowar Stefan Liznar (naprawo, SJ Chrósćicy) w dwuboju z přećiwniskim hrajerjom Foto: Jörg Stephan

FSV Łuty – SJ Chrósćicy II 1:1 (1:1)

Zestawa hosći: B. Klimant – T. Klimant (83. M. Dórnik), Mark (45. Šołta), Dehn, Lešawa, Donat, A. Dórnik, Matješk, Zynda, Liznar, Šmit

Na kóncu sezony bě sej druhe koparske mustwo Chróšćanskeje SJ do Łutow dojěło. A měješe jasny zaměr, z třomi dypkami w tabulce wot dwanateho hišće na dźewjate městno so dóstać.

Start so hosćom derje poradźi. Tak mó­žachu hižo po pjeć mjeńšinach juskać, jako Stefan Liznar přećiwniskemu wrotarjej žanu šansu njeda a wólny kop Nicka Lešawy do dołheho kuta zhłójč­ko­wa. Ale wjeselo so pominy, jako Łutow­čenjo po štwórć hodźinje wurunachu. Flanka do Chróšćanske­je šěsnatki docpě jeno škitarja, tón pak njezamó situaciju rozrisać a tak hraješe kulowatu kožu swobodnje stejacemu přećiwnikej do nohi. A wón njeměješe žane ćeže ju k 1:1 do wrotow sunyć. Po furioznym spočatku so hra změrowa. Domjacy wšak wědźachu trochu lěpje z chětro twjerdym trawnikom wobchadźeć. Tak bychu so jim po spěšnym nadběhu nimale dalše wrota poradźili, jako nadběhowar bul wyše Tomaša Klimanta połoži. Klemens Mark pak hišće na wrotowej liniji zastatkej zadźěwa.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

  • Serbska lajska dźiwadłowa skupina Šunow-Konjecy je swoju nowu komediju "Ludźo njedźiwaće so" 9. nowembra prapremjernje w Šunowskej Fabrikskej hospodźe předstajiła. tule namakaće někotre impresije z inscenacije. 

Tohorunja tón kónc tydźenja su w Ketl

nowostki LND