Za „njebjeski dowol“

póndźela, 04. meje 2020
artikl hódnoćić
(0 )

Drježdźany (B/SN). Na kromje lětušich fachowych dnjow „cyrkwje w turizmje“ w Drježdźanach rozjimowachu zastupjerjo Sakskeje ewangelskeje krajneje cyr­kwje, cyrkwje Berlin-Braniborska-šleska Hornja Łužica kaž tež Sewjerneje cyrkwje projekt „Njebjeski dowol w Hornjej Łužicy“. Prózdne farske domy móhli za „njebjeski dowol“ přetwarić. „Hladajo na woteběracu ličbu wosadnych ma so z toho wuchadźeć, zo dźensa prózdne domy tež za 40 lět wobsadźene njebudu,“ rjekny Kerstin Kracht, referentka za cyrkej a turizm a zamołwita za wotewrjenje Božich domow w Sakskej.

Podpěra potrěbnym

Erfurt (B/SN). W dnjowym zetkanišću Carity w Erfurće bjezdomnym a potrěbnym ludźom wšědnje w času wot 10 do 11 hodź. pakćiki z jědźu wudźěleja. „Wosta­njemy wosrjedź ludźi w nuzy. Zo bych­my wudawki za žiwidła, napoje a wěcy wšědneje potrjeby kaž tež za hygienowe srědki financować móhli, pro­symy wo pjenježnu podpěru“, informuje regionalny nawoda srjedźodurinskeje Carity Michael Wenzel.

Dźakuje so cyrkwjam

wozjewjene w: Cyrkej a swět
Prošu přizjewće so, chceće-li komentar podać

Serbska debata

nowostki LND