Augsburg (B/SN). W silwesterskej nocy witaja zwony po wšěm swěće nowe lěto. Zwuk zwonow ludźi zdawna wobkuzłuje. Při zwonjenju rozeznawatej so swětne a cyrkwinske zwonjenje. Silwesterske zwonjenje jako swětne pochadźa ze srjedźowěka, jako wjetšina ludźi časniki njeměješe. Najćeši zwón w Němskej je Pětrowy zwón, waži 24 tonow a wisa w Kölnskej tachantskej cyrkwi. Tohorunja wisa tam najwjetši machotacy (schwingend) zwón „Dicke Pitter“. Wón bu 1923 kidany a ma rozměr 3,22 metrow. Najstarši zwón Němskeje je Lullusowy zwón w zwóńcy klóšterskeje ruiny w Bad Hersfeldźe. Wón pochadźa z lěta 1038. Najwjetši zwón swěta wisa w Myanmaru a je 3,70 metrow wysoki, ma přeměr 5 metrow a waži 87 tonow.
Kölnski signal je „zahubny“