Wodorunje: 3 čas do jutrow, 5 pomocnik při wuwalenjach, 6 hojenska a słodowa rostlina, 7 Staub serbsce, 10 Jank a ..., 13 jězdźidło, 14 starobny pjenjez, 15 Gehirn serbsce

Padorunje: 1 warjaca so woda, 2 zdźělenka, 3 čěska stolica, 4 krótki spar, 8 wjes pola Běłeje Wody, 9 nic strowy, 11 roman ­Zole, 12 jězor w Aziji

Zo so lětni čas hižo nalěto započina, zaleži pječa na trochu přehibićiwych nócnych hawronach. Wěste wšak je, zo w nocy wot ­soboty na njedźelu w 2 hodź. časniki wo hodźinu doprědka přestajimy, a to snano posledni raz. Hač so na europskej runinje dawno wobzamknjene wotstronjenje změny woprawdźe přesadźi, je dale tema horcych debatow. Foto: SN/Hanka Šěnec

Wustajeńcu wosebiteho razu pokazuja tuchwilu w rumnosćach Budyskeho towarstwa Dźěłań dźeń. Akrylowe twórby wuměłca Jimmyja Cutaki z Halle nad Solawu, zwobraznjace na přikład Kurta Cobaina a Andyja Warhola, njejsu kruće rozrjadowane, wone takrjec tydźensce poziciju měnjeja. Kaž hižo dotalne móžeš sej tež aktualnu pokazku wotwonka wobhladać. Foto: SN/Hanka Šěnec

Złokomorowske Nowe jewišćo poskića kóždy pjatk w měrcu wot 17 hodź. nowosć „Při telefonaće: Kultura!“ – „Bei Anruf: ­Kultur!“ Dźiwadźelnicy domu zazwonja zajimcow, kotřiž su sej termin dojednali, a přednjesu jim znate a woblubowane ­stawizny a basnje najwšelakorišich awtorow, mjez druhim Johanna Wolfganga von Goethy abo Joachima Ringelnatza, kaž tule Daniel Borgwardt. Skazać móža sej zajimcy priwatne předstajenje za pjeć eurow telefonisce pod 03573/801 286 abo e-mailnje pod . Foto: Neue Bühne Senftenberg/Steffen Rasche