Politikarjo Europskeje unije Łužiske koło posylnjeja

Grodk (SN/BŠe). Komunalny zwjazk Łužiske koło nazhonja tele dny wulku podpěru ze stron Europskeje unije za swoje předstawy, sčinić z Łužicy modelowy region strukturneho wuwića. Tak rozmołwještaj so zastupjerjej zwjazka, Grodkowska měšćanostka Christine Herntier (njestronjanka) a Běłowodźanski wyši měšćanosta Torsten Pötzsch (Klartext), minjene dny ze zastupjerjom komisije EU Richardom Kühnelom w Berlinje. Dale schadźowachu so ze zapósłancom zwjazkoweho sejma dr. Klausom-Peterom Schulzom (CDU) a europskim zapósłancom dr. Christianom Ehlerom (CDU).