Kozel: Ataka pokazuje, zo rozmołwy z tajkimi ludźimi ničo njewunjesu

Budyšin (SN/at). Ataka zababjenych neonacijow minjeny pjatk w Budyšinje na čłonow Lěwicarskeje młodźiny, při čimž poćerpje pjeć młodych lěwicarjow zdźěla ćežke zranjenja, serbskeho zapósłanca Sakskeho krajneho sejma Hajka Kozela (Lěwica) nastróža. „Woporam přeju spěšne wustrowjenje. Nadźijam so, zo njedadźa so tež tajkich nadpadow dla wotdźeržować, dale měrniwje přećiwo ideologiji nacijow wojować. To je w Budyšinje trěbnišo hač hdy prjedy“, piše zapósłanc w nowinskim wozjewjenju.