500 lět reformacija – jubilejne lěto w Sakskej w cyrkwi swj. Pětra zahajene
Budyšin (SN/at). Jubilejne lěto reformacije w Sakskej pod hesłom „My smy tak swobodni“ zahajichu z ekumeniskej swjatočnej Božej słužbu pjatk wječor w ewangelskim dźělu Budyskeje cyrkwje swj. Pětra. Krajny biskop Ewangelsko-lutherskeje krajneje cyrkwje dr. Carsten Rentzing a Drježdźansko-Mišnjanski biskop Heinrich Timmerevers swjećeštaj kemše w přitomnosći sakskeho ministerskeho prezidenta Stanisława Tilicha (CDU) a jeho naměstnika, sakskeho statneho ministra za hospodarstwo a dźěło Martina Duliga (SPD).