Tež lětsa zaso maja so wobšěrne renowaciske naprawy přewjesć
Budyšin (SN/mwe). „Mamy za lětsa zaso tójšto projektow na blidźe. W prěnim rjedźe su to swójske załožbowe projekty, kotrež su takrjec na rjedźe, dokelž so po wěstym turnusu přewjeduja. Do toho słušeja 22. dny serbskeho dźěćaceho dźiwadła 18. a 19. meje 2017 w Budyskej młodowni. Nazymu startujemy z wupisanjom literarneho wubědźowanja. Dorosćaca młoda serbska generacija měła so w bohatej ličbje pjera jimać, přetož najlěpše přinoški, hač w lyrice, prozy, dramatice abo dalšich žanrow literatury so jenož njemytuja, ale budu – kaž dotal z wašnjom – tež wozjewjene“, zdźěli Serbskim Nowinam na naprašowanje Marija Šimanowa, zamołwita Załožby za serbski lud za nowinske a zjawnostne dźěło.