Drježdźany (SN/MiR). Sakski krajny sejm je so zaběrał z naprašowanjom wo polěpšenju kwality pedagogiskeho dźěła w sakskich dźěćacych dnjowych přebywanišćach. Nawodźa kubłanišćow, pedagogiski personal a starši móža podać internetnje swoje měnjenje k štyri naprawam a na přidatne tři prašenja wotmołwić. Direktne wašnje demokratije wužiwało je dotal 20 000 wosobow z něhdźe 1 800 dźěćacych dnjowych přebywanišćow. Z hortow je nažel mało wobdźělnikow a z 1 300 zarjadnišćow dotal nichtó sobu činił njeje. Kultus chce z pomocu naprašowanja, kotrež hišće hač do 1. meje traje, zwěsćić, hač měł so přichodnje koncentrować na připóznaće časa za přihot a wuhódnoćenje personala, za polěpšenje personalneho kluča w žłobikach, pěstowarnjach a hortach, za swobodne wužiwanje budgeta abo za podpěru kubłanišćow z wosebitej potrjebu. Petra Zais, kubłanska rěčnica z frakcije Zwjazk 90/Zeleni rjekny: „Z perspektiwy potrjechenych su wšitke naprašowane naprawy w jenakej měrje wažne.