Lětuši 29. Budyski forum zaběra so z hospodarskimi a socialnymi aspektami NDR. Na wčerawšim prěnim dnju zarjadowanja je k tomu mjez druhim Wolfgang Thierse porěčał.
Budyšin (UM/SN). Što bě NDR? Wo tym prašenju bě hižo wjele horcych diskusijow. Bě wona diktatura, socialny stat, abo woboje? Tež 29. Budyski forum Friedricha Ebertoweje załožby rozestaja so w Budyskej kehelowni ze wšelakorymi widami na němski stat, kotryž mjenowaše so socialistiski a wobsteješe hač do 1990. Nimo hospodarstwa a dźěła steji lětsa tež socialny aspekt w srjedźišću.