Kontakt z ludźimi wjedźe k njewšědnemu zadźerženju rubježneho zwěrjeća

Waršawa/Rěčicy (SN/BŠe). Wjelka bojeć so nichtó njetrjeba. Tak wopodstatnjeja to fachowcy, kotřiž so hižo lěta z rubježnym zwěrjećom zaběraja. Pad na juhowuchodźe Pólskeje pak pokazuje, zo strach přiwšěm wobsteji. Kónc junija bě wjelk tam dwě dźěsći w starobje wosom a dźesać lět nadpadnył a kusnył. Na zbožo njedóńdźe k žanym ćežkim zranjenjam. Šokowace dožiwjenje pak to za potrjechenych na kóždy pad wostanje.