Sharm el Sheich (dpa/SN). Europska unija a Arabska liga stej dźensa ze swojim prěnim wjerškowym zetkanjom toho razu w egyptowskim Sharm el Sheichu pokročowałoj. Na dnjowym porjedźe steještej mjez druhim wobmjezowanje ilegalneje migracije a bój přećiwo terorizmej. Při tym chcychu zastupnicy EU tež łoskoćiwe prašenje čłowjeskich prawow w arabskich krajach narěčeć. Zwjazkowa kanclerka Angela Merkel (CDU) je z britiskej premierministerku Theresu May wo prašenjach brexita rěčała.
CDU wo migraciskej politice
Berlin (dpa/SN). Prezidij CDU kaž tež předsydstwo strony stej dźensa wo wuslědkach dwudnjowskeje dźěłarnički nastupajo migracisku politiku wuradźowałoj. Nawodnistwo CDU z nowej předsydku Annegret Kramp-Karrenbauer chcyło z nowymi raznišimi zakonjemi wo ćěkancach Němsku před nowym nawalom migrantow škitać. K tomu chcyli jich hižo na mjezach wotpokazać a migrantow bjez prawa přebywanja w Němskej spěšnišo zaso domoj pósłać.
Termin rozsuda přestorčił
