Nürnberg/Kamjenica (dpa/SN). Ličba bjezdźěłnych po wšej Němskej je w februaru na 2,373 milionow woteběrała. To je 33 000 bjezdźěłnych mjenje hač w januaru a 173 000 mjenje hač před lětom, kaž Zwjazkowa agentura za dźěło w Nürnbergu zdźěla. Bjezdźěłnostna kwota wosta z 5,3 procentami njezměnjena. Tež w Sakskej a Braniborskej bě mjenje bjezdźěłnych hač před lětom. W Sakskej wučinješe kwota bjezdźěłnosće šěsć, w Braniborskej 6,5 procentow.
Za kompromis při brónjenju
Berlin (dpa/SN). Předsydka CDU Annegret Kramp-Karrenbauer so za to wupraja, europskim partneram při brónjenju napřećo hić a hladajo na razne němske eksportne předpisy ke kompromisam zwólniwi być. Francoska a Wulka Britaniska přetorhnjenje eksporta němskich bróni do Sawdi-Arabskeje raznje kritizujetej, dokelž su tež zhromadne projekty potrjechene. Koaliciskeho partnera SPD předsydka CDU namołwja, so k němskej brónjenskej industriji jasnje wuznać.
Netanjahu ma mjerzanje