Kassel/Karlsruhe (dpa/SN). Nastupajo zamordowanje Kasselskeho knježerstwoweho prezidenta Waltera Lübcki su dalšej wosobje zajeli, kaž zwjazkowe prawiznistwo dźensa wobkrući. Jedna so wo wikowarja a posrědkowarja brónjow za wobskorženeho Stephana E. To wozjewjeja wjacore nowiny. W nocy na dźensa je policija wšelake městnosće přepytała, mjez druhim tež dźěłowe městno podhlad­neho, a nańdźe hnydom wjacore brónje. Zajataj mužej mataj so nětko za připomoc k mordarstwu zamołwić.

Nowa ministerka zapokazana

Berlin (dpa/SN). Prawiznicu a politikarku SPD Christinu Lambrecht su dźensa w zwjazkowym sejmje jako nowu zwjazkowu justicnu ministerku zapokazali. Wona naslěduje Katarinu Barley, kotraž budźe jako zapósłanča w Europskim parlamenće skutkować. Lambrecht je hižo dlěje hač 20 lět zapósłanča zwjazkoweho sejma a bě naposledk statna sekretarka financneho ministerstwa. Jako justicna ministerka chce wona mjez druhim sudniske jednanja pospěšić.

Němska ma wjace wobydlerjow