Přichod zawodow zawěsćić

štwórtk, 04. měrca 2021
artikl hódnoćić
(0 )
Jan Otto z dźěłarnistwa IG metal wuchodneje Sakskeje je so na wčerawšim zhromadnym stawku přistajenych Zhorjelskeju zawodow Siemens a Alstom słowa jimał, namołwjejo jich dale wo swoje zajimy wojować. W aktualnym tarifowym kole chcedźa sobudźěłaćerjo a dźěłarnistwo na dźěłodawarjow wjetši ćišć wukonjeć a wšitke móžnosće wučerpać.  Foto: Matthias Wehnert Jan Otto z dźěłarnistwa IG metal wuchodneje Sakskeje je so na wčerawšim zhromadnym stawku přistajenych Zhorjelskeju zawodow Siemens a Alstom słowa jimał, namołwjejo jich dale wo swoje zajimy wojować. W aktualnym tarifowym kole chcedźa sobudźěłaćerjo a dźěłarnistwo na dźěłodawarjow wjetši ćišć wukonjeć a wšitke móžnosće wučerpać. Foto: Matthias Wehnert

Sobudźěłaćerjo koncernow Alstom a Siemens zhromadnje stawkowali

Zhorjelc (SN/BŠe). Wjac hač 400 sobudźěłaćerjow dweju stejnišćow předewzaćow Siemens Energy a Alstom je wčera zhromadnje w Zhorjelcu stawkowało. Centralna tema bě tamnišej zawodaj do přichoda zawěsćić. Ze stawkom chcychu přistajeni ćišć na stronu dźěłodawarjow – woni w aktualnym tarifowym kole metaloweje a elektroindustrije hromadźe wuradźuja – powjetšić, zo měli skónčnje poskitk wozjewić.

Hladajo na stejnišćo Siemens je so wosebje připowědź předewzaća, 150 dźěłowych městnow w Zhorjelcu wotstronić a wukubłanski centrum zawrěć chcyć, wo wulki njeměr postarała. A to runje nětko, hdźež su so zhromadnje ze zwjazkowej politiku na pakt přichoda dojednali.

Sobudźěłaćerjo Alstoma (bywši Bombardier) zhladuja tohorunja do njewěsteho přichoda, dokelž njewědźa, kajke plany mějićel ma. Dźěłarnistwo IG metal žada sej tarifowej zrěčeni, zo móhli inowaciju a inwesticije na stejnišćomaj zaručić. Runje tajkej zrěčeni stej nuznje trěbnej.

wozjewjene w: Kraj a swět
Prošu přizjewće so, chceće-li komentar podać

Serbska debata

nowostki LND