Zeleni z toho wuchadźeja, zo budźe kónc wodobywanja brunicy do lěta 2038

Budyšin (SN/at). Kónc wudobywanja brunicy je wužadanje, na kotrež njeje Sakska dotal w trěbnej měrje přihotowana. Zakonsce postajene lěto 2038, tak su sej zastupjerjo přirodoškitneho zwjazka BUND Sakska a krajni politikarjo Zwjazka 90/Zelenych přezjedni, woprawdźitosći njewotpowěduje. Zaměr Pariskeho klimoweho zrěčenja, hač do lěta 2030 woćoplenje zemje na 1,5 stopnjow celsija wobmjezować, so zaměrej w zwjazkowym zakonju wo kóncu zmilinjenja a wudobywanja brunicy znapřećiwja. To bě wčera wječor na online-zarjadowanju zapósłanče Zelenych w Sakskim krajnym sejmje Lucie Hammecke słyšeć, kotraž Budyski wobydlerski běrow sobu zaruča.

Z Hammecke staj Jutta Wieding z krajneho předsydstwa BUND Sakskeje a statny sekretar w sakskim ministerstwje za energiju, škit klimy, wobswět a ratarstwo dr. Gerd Lippold diskutowałoj.