Tel Aviv (dpa/SN). Ruski wonkowny minister Sergej Lawrow je ze swojim přirunanjom Ukrainy z nacijemi w Israelu rozhněwanje zawinił. Knježerstwo w Jerusalemje žadaše sej zamołwjenje a je sej dźensa ruskeho pósłanca na rozmołwu skazało. Lawrow je wčera wječor w italskim telewizijnym sćelaku Rete4 rusku přičinu wójny potwjerdźił a ukrainskeho prezidenta nacionalsocialista mjenował. Israelski wonkowny minister Jair Lapid ma słowa za njewodajomne a skandal.

Na embargo přihotowane

Berlin (dpa/SN). Zwjazkowa wonkowna ministerka Annalena Baerbock (Zeleni) je wopodstatniła, zo Němska naftowy embargo přećiwo Ruskej wita. Tak je kraj na to přihotowany wjacore lěta bjez ruskeho zemskeho wolija wuńć, wona wujasni. Podźěl ruskeho wolija je so wot spočatka ukrainskeje wójny wot 35 na 12 procentow pomjeńšił, wuchadźa z rozprawy energijoweje wěstoty zwjazkoweho knježerstwa. Dźensa wuradźuja energijowi ministrojo EU tež wo tym, zo Ruska hižo płun do Bołharskeje a Pólskeje njedodawa.

Žadaja sej wustup Schrödera