Něhdźe 12 000 wučerjow trěbne

srjeda, 25. januara 2023
artikl hódnoćić
(0 )

Berlin (dpa/SN). W Němskej je po informacijach kultusowych ministerstwow zwjazkowych krajow wjace hač 12 000 wučerskich městnow njewobsadźenych. To wuchadźa z naprašowanja redakciskeje syće Němskeje. Tak njeje w Posaarskej, Porynsko-Pfalcowskej, Braniborskej a Bayerskej potrjeba wučerjow přewulka. W Sewjerorynsko-Westfalskej pobrachuje porno tomu wjace hač 8 000, w Schleswigsko-Holsteinskej wjace hač 200, w Saksko-Anhaltskej a Berlinje wjace hač 800 a w Sakskej, Badensko-Württembergskej a Delnjej Sakskej wjace hač 400 wučerjow.

Liča z rozrostom hospodarstwa

Berlin (dpa/SN). Zwjazkowe knježerstwo chce swoju konjunkturnu prognozu lochce powyšić. Tak liči hospodarske ministerstwo lětsa z rozrostom nutřkokrajneho bruttoprodukta wo 0,2 procentow. Zwjazkowy hospodarski minister Robert Habeck (Zeleni) chcyše dźensa w Berlinje lětnu hospodarsku rozprawu předstajić. Srjedź oktobra bě knježerstwo přede­wšěm energijowych płaćiznow dla swoju konjunkturnu prognozu jasnje znižiło.

Lětsa so prěni raz schadźowali

wozjewjene w: Politika
Prošu přizjewće so, chceće-li komentar podać

nawěšk

nowostki LND