Bolostne dobyće

štwórtk, 19. oktobera 2023
artikl hódnoćić
(0 )

FC Eilenburg –

FC Energija Choćebuz 1:3 (0:0)

Zestawa hosći: Sebald (50. Bethke) – Milde, Slamar, Hildebrandt, Borgmann (80. Campulka), Hasse (87. Oesterhelweg), Putze (87. Pelivan), Juckel, Heike, Thiele, Halbauer (80. Euschen)

wrota: 0:1 Heike (71.), 0:2 Hasse (87.), 1:2 Luis (90.+2), 1:3 Oesterhelweg (90.+8)

Při dźesatej dypkowej hrě je sej FC Energija Choćebuz pola FC Eilenburga drje tři dypki zdobyła, ale tež hiobowu powěsć sobu do Łužicy přinjesła. Pod swětłomjetakami wjeselachu so hosćo přez wrota Tima Heiki, Tobiasa Hasse a Maximiliana Oesterhelwega, tola dwě ćežkej zranjeni dachu wuslědk nimale do pozadka sunyć. Najprjedy zrazy wrotar Alexander Sebald z Dennisom Slamarom hromadźe. Po zranjenju ramjenja dyrbješe so wrotar wuměnić. Wjele hórje pak bě zranjenje kapitana Axela Borgmanna. Tón bjez přećiwniskeho wobwliwowanja z lěwej nohu knykny, tak zo dźeń na to torhnjeny křižny pask diagnosticěrowachu. Wulke njezbožo to, dokelž njeje „Borge“ jenož jedyn z najwažnišich hrajerjow a kapitan mustwa, ale zdobom we wšěch prašenjach podlěšena ruka trenarja Clausa Dietera Wollitza.

wozjewjene w: Sport
Prošu přizjewće so, chceće-li komentar podać

Serbska debata

nowostki LND