Jerusalem (B/SN). Eksperta Bliski wuchod nastupajo Steven Höfner je nawoda běrowa Konrada Adenaueroweje załožby w palestinskej kónčinje Ramallah. Wón starosći so dźělenja křesćanow dla, kiž njemóža wjace wot wobsadźeneho Jerusalema do Betlehema a tam hody swjećić. Ličba křesćanow dramatisce woteběra, dźensa jenož hišće 47 000 křesćanow w palestinskej kónčinje bydli.
Hody z połnym zwonjenjom
Esztergom (B/SN). W Prěnjej swětowej wójnje běchu w katedrali arcybiskopstwa Esztergom-Budapest štyri wot šěsć zwonow sćazali. Wot toho časa wužiwachu tam jeno smjertny a Marijanski zwón. Lětsa prěnju adwentnu njedźelu je kardinal Peter Erdö wšitkich šěsć nowych abo renowěrowanych zwonow poswjećił. Na hodownej Božej mši zaklinča zwony w najwjetšim madźarskim Božim domje.
Pomocnej akciji zahajenej