Prezidentaj USA a Ruskeje znowa Ukrainy dla telefonowałoj
Washington (dpa/SN). Prezident USA Donald Trump njewidźi po dalšim telefonaće z ruskim prezidentom Wladimirom Putinom žane šansy za hnydomne rozrisanje wójnskeho konflikta w Ukrainje. „Dobra to rozmołwa, ale žana rozmołwa, kotraž by hnydomny měr přinjesła“, piše Trump po telefonaće na swojej internetnej platformje Truth Social.
Rozmołwa z Putinom je hodźinu a 15 mjeńšin trała, Trump rozprawja. Při tym dźěše wo najnowše nadpady Ukrainy na wojerske lětanišća daloko w Ruskej kaž tež wo druhe wojerske akcije. Putin bě Trumpej „jara jasnje“ rjekł, zo dyrbi wón na nadpady Ukrainy reagować.
