Brüssel (dpa/SN). Komisija EU z Ursulu von der Leyen na čole dyrbi so přichodny tydźeń w Europskim parlamenće wotumej njedowěry stajić. Wo tym je prezidentka parlamenta Roberta Metsola frakciskich předsydow informowała, powěsćernja dpa rozprawja. Wothłosowanje je prawicarski rumunski zapósłanc nastorčił. Wón wumjetuje komisiji mjez druhim njetransparencu w zwisku z naprawami korony dla a njekmanosć. Z wotstupom EU komisije pak njeliča.

Z Hamas je bórze nimo

Tel Aviv (dpa/SN). Mjeztym zo islamistiska Hamas po swójskim wuprajenju nowy namjet za móžny přiměr w Gazaskim pasmje pruwuje, je sej israelski ministerski prezident Banjamin Netanjahu swojeho dobyća nad Hamas wěsty. „Praju wam, zo Hamas hižo bórze wjace njeeksistuje“, rjekny Netanjahu po informacijach swojeho běrowa w juhoisraelskim Aschkelonje. Do toho běchu zdźělili, zo Israel wuměnjenja za přiměr akceptuje.

Rěča wo dalšej podpěrje USA