Zeithain (dpa/SN). W Gohrischskej holi so połoženje po wosom dnjach wulkeho wohenja poněčim polěpša. Wokrjes Mišno je katastrofowy alarm za gmejnje Zeithain a Wülknitz kaž tež za město Gröditz cofnył. Alarm běchu štwórtk tydźenja wuwołali. Dwaj dnjej do toho bě so na přestrjeni blisko mjezy k Braniborskej palić počało. Hašenje bě wobćežne, dokelž na terenje wjele municije leži.

Weidel a Merz so wadźiłoj

Berlin (dpa/SN). Berlin (dpa/SN). Zwjazkowy kancler Friedrich Merz (CDU) a nawodnica opozicije Alice Weidel (AfD) staj při prěnjej generalnej debaće legislaturneje periody wótrje diskutowałoj. Předsydka frakcije AfD wumjetowaše Merzej łamanje słowa a mjenowaše jeho „kanclera łžow“. Merz jej znapřećiwi, zo wón „pawšalne a njediferencowane podhódnoćenje dźěła noweho zwjazkoweho knježerstwa jasnje“ wotpokazuje. Zdobom wón Weidel wumjetowaše, zo je wona „ryzy nacionalistisku narěč“ dźeržała.

Koncern stejnišći zawrěje