Serbska rada žada sej podpěru knježerstwa
Drježdźany (VaŽ/SN). Posedźenje Rady za serbske naležnosće w Sakskej zaběraše so wčera w statnej kencliji z wjacorymi aktualnymi temami kołowokoło spěchowanja a zdźerženja serbskeje rěče a kultury. Na dnjowym porjedźe stejachu mjez druhim financielne wužadanja za towarstwa, situacija studija sorabistiki w Lipsku kaž tež wuslědki z Łužiskeho monitora 2025. Přitomni běchu mjez druhim předsyda rady Dawid Statnik a radźićeljo Stefan Anders, Julian Nyča a Jan Ryćer. Tež politiscy zastupjerjo kaž Marko Šiman, Elaine Jenčec (wobaj CDU) a wjacori referenća z ministerstwow so na posedźenju wobdźělichu.
