Lipsk (dpa/SN). Po póndźelnišej amokowej jězbje němskeho staćana w Lipšćanskim nutřkownym měsće su wčera nawječor na wjacorych městnach w Lipsku na smjertnej woporaj spominali. Sakski ministerski prezident Michael Kretschmer (CDU) a Lipšćanski wyši měšćanosta Burhard Jung (SPD) staj so na ekumeniskej Božej słužbje w Mikławskej cyrkwi wobdźěliłoj. Spominanski nyšpor w cyrkwi uniwersity wopyta něhdźe 1 000 ludźi.