Drježdźany (SN). Zhromadnje z Brani­borskej, Mecklenburgsko-Předpomorskej a Saksko-Anhaltskej je swobodny stat Sakska na posedźenju Zwjazkoweje rady minjeny pjatk změnu naćiska Zakonja za zaručenje kapacitow a zastaranje z milinu (StromVKG) nastorčił. Tutomu namjetej je wjetšina rady přihłosowała.

W naćisku za změnu rěka, zo dyrbjeli so wupisanja za nowe płunowe mili­narnje fairnje a zaměrnje po cyłej Němskej planować. Wotpowědny instrument móhłoj­ w tutym zwisku dwě separatnej wupisani być: Jedne za tak mjenowanu „milinowu syć juh“, kotraž wobjimuje něhdźe dwě třećinje němskeho statneho teritorija, a dalše za zbytnu milinowu syć na sewjeru a wuchodźe.