Sport (16.03.18)
Stara garda za bulom honi
Stari knježa Zeleno-běłych Hórki přewjedu dźensa wječor w Chrósćicach halowy koparski turněr za mustwa stareje gardy. Přeprošene su cyłki z Ralbic, Chrósćic, Pančic a Njebjelčic. Akterojo zetkaja so w šesćich, wubědźowanje započnje so napoł sedmich.
Sokoljo keheluja
Swoju poslednju dypkowu hru sezony 2017/2018 maja jutře, sobotu, kehelerjo Sokoła Ralbicy/Hórki. Na domjacych čarach w Rakecach wočakuja woni wot 13 hodź. tabulkoweho susoda z Porchowa.
Kónctydźenska kopańca
17.03. 13:00 ST Lubuš II
– Módro-běli Kulow II
17.03. 14:00 Rakečanske ST
– ST Wjelećin
18.03. 14:00 Rakečanske ST II
– ST Marijina hwězda
18.03. 12:30 SJ Chrósćicy II
– Wojerowski FC II
18.03. 15:00 SJ Chrósćicy
– ST Horni kraj-Sprjewja
18.03. 15:00 ST Radwor – LSV Hory
18.03. 15:00 Sokoł Ralbicy/Hórki
– Módro-běli Kulow
18.03. 13:00 SJ Njebjelčicy II
– ST Hlinowc
18.03. 15:00 SJ Njebjelčicy
– SV Haselbachtal
Blidotenisowe duele
16.03. 19:00 TTC Wojerecy III
– DJK Konjecy
19.03. 19:30 ST 1922 Radwor
– Bartske ST 90 II
24.03. 16:00 Viktoria Worklecy
– ST Horken Ketlicy
Volleyballowe dypkowe hry
Sport (15.03.18)
Kopańca, wokrjesna wyša liga
Bukecy – Rakečanske ST 1:5 (1:3)
Kulow – Wojerowski FC 0:1 (0:0)
Hnašecy-Dobruša – Kinspork/Łužnica
wupad
Hory – Póst Germania Budyšin 2:4 (1:2)
Ramnow – Großröhrsdorf 0:3 (0:0)
Großnaundorf – Kumwałd 1:1 (0:0)
ST Wjelećin – ST Radwor 1:4 (0:3)
Sokoł Ralbicy/Hórki – Budyšin 5:3 (1:2)
1. SC Großröhrsdorf 19 44:6 49
2. Wojerowski FC 18 36:21 39
3. Rakečanske ST 18 47:25 36
4. Módro-běli Kulow 19 42:19 31
5. Motor Kumwałd 19 35:28 29
6. Póst Germania Budyšin 19 44:32 27
7. SG Großnaundorf 19 36:31 27
8. Sokoł Ralbicy/Hórki 19 28:31 27
9. LSV Hory 18 42:40 25
10. Drohotka Ramnow 17 33:36 24
11. ST Radwor 18 39:39 21
12. ST Hnašecy-Dobruša 18 30:39 21
13. ST Kinspork/Łužnica 18 32:45 19
14. ST Wjelećin 17 32:49 18
15. Zeleno-běli Bukecy 19 26:57 17
16. ST Budyšin 19 18:66 7
čoło tabulki wokrjesneje ligi, stafla II
1. Natwar Němske Pazlicy 18 59:15 44
2. ST Marijina hwězda 19 50:21 38
3. ST Lubuš 18 41:29 35
Spektakularna hra z dobrym wukóncom za hosćićela
Sokoł Ralbicy/Hórki – ST Budyšin 5:3 (1:2)
Zestawa domjacych: Ch. Gloxyn – Bjeńš, Zynda, Šewc, Lulak (46. Materna), Šołta, D. Gloxyn, Janca (65. Bejma), Rawš, Domaška, Kurjat
Přećiwo poslednjemu tabulki dyrbjachu sej koparjo Sokoła/Ralbicy tři dypki wubědźić, hewak bychu so hišće raz ze zestupnym bojom rozestajeć měli. Połnje motiwowani tuž na twjerdym hrajnišću započachu. Po štyrjoch mjeńšinach pak ležeše bul hižo w klětce Chrystofa Gloxyna. Wólny kop z 30 metrow docpě před wrotami přećiwniskeho nadběhowarja, kiž trjechi. Hnydom na to měješe Tomaš Rawš dwě móžnosći k wurunanju. Jónu pak zwrěšći na wrotarju, tamny króć dźěše jeho třělwa snadnje pódla wrotow. Domjacy ćišć poněčim zesylnichu, a Budyšenjo jenož hišće na kontery łakachu. Jedyn tajki wužichu po poł hodźinje k 0:2. Na zbožo docpě Gabriel Kurjat hnydom na to prěnje wrota za Sokoł. Dirk Šołta nahra Pětra Domašku, tón posłuži sobu běžaceho Kurjata, kiž do dołheho kuta přetwori.
Načolnika tabulki wonka přewinyli
FSV Oderwitz II – SJ Chrósćicy 0:2 (0:0)
Zestawa hosći: Stein – Cyž, Sentiwan, Hrdlitschka, M. Zahrodnik, Žur (90.+2 L. Zahrodnik), Henčl, Němec, G. Zahrodnik (90.+1 Šiman), Młynk (90. Dórnik), Polívka
Minjenu sobotu podachu so koparjo Chróšćanskeje SJ na puć do Ochranowa. Tam wočakowaše jich načolnik tabulki FSV Oderwitz, kiž bě tuž faworit na dobyće. Před něhdźe sto přihladowarjemi sudnik hru při rjanym słónčnym koparskim wjedrje zahwizda. Duel bě wot spočatka chětro wurunany. Hosćo koncentrowachu so na kompaktnu defensiwu, a hižo po někotrych mjeńšinach mějachu zbožo. Po wólnym kopje padny bul nadběhowarjej z Oderwitza před noze. Tón pak smokny jón jenož na łatu. Domjacy drje mějachu ceptar w ruce, ale najprjedy raz žane dalše bytostne móžnosće. W 23. min. zjewichu so prěni króć před wrotami Chróšćanow. Nowopřichad Oliver Stein pak bě koncentrowany a niski kop sylnje wotwobara. Přez kontery chcychu hosćo wrota docpěć, ale je ženje hač do kónca njewuhrachu.
W dalšej wažnej hrě dobyće žnjeli
Kopańca, pinca wokrjesneje wyšeje ligi
10. Drohotka Ramnow 17 33:36 24
11. ST Radwor 18 39:39 21
12. ST Hnašecy-Dobruša 18 30:39 21
13. ST Kinspork/Łužnica 18 32:45 19
14. ST Wjelećin 17 32:49 18
15. Zeleno-běli Bukecy 19 26:57 17
16. ST Budyšin 19 18:66 7
ST Wjelećin – ST Radwor 1:4 (0:3)
Zestawa hosći: Wróbl – Wjeńka, Šěrak, Henka, Zähr, Nuk, Rachel, Zimmermann, Bejmak, Schulze, Kurjat (86. Bauer)
Wonkowne dobyće wohrožene njebyło
Viktoria Worklecy 92 – Módro-běli Wojerecy II 0:3 (22:25, 18:25, 22:25)
Za Worklecy hrajachu: Jan Bětnar, Ludwig Eckert, Stefan Gedik, Jurij Lipič, Marcel Rjelka, Daniel Wałda a Stephan Wjeńka. Poradźowar: Mato Eckert
Partiju hišće zwjertnyli
FC Energija Choćebuz – Berlinski AK 07 2:1 (0:1)
Za FCE hrajachu: Spahić – Starcew (59. Graudenz/80. Gehrmann), Stein, Matuwila, Schlüter, Kruse (59. Scheidhauer), Weidlich, Viteritti, Marcelo, Zimmer, Mamba
Do duela bě trenar FC Energije Choćebuz Claus-Dieter Wollitz swojim chowancam hišće raz sylnosće štwórteho tabulki rozłožił. Do hry so woni přiwšěm ćežko namakachu. Ataki Berlinskich koparjow njedowolichu jim žadyn porjadny hrajny natwar. Do wobraza hodźeše so tež wólny kop Deniza Tunayja, kiž ze zdalenosće 18 metrow w 15. min. k 0:1 trjechi. Na to je so wěstota FC Energije dospołnje pominyła.
W přestawce Choćebuski trenar swojich chowancow namołwi: „Dźiće won, třělće dwoje wrota, zo bychmy sej dźensa tři dypki zachowali a w meji z podobnej hru do 3. ligi zaćahnyli.“ A domjacy to, pozbudźeni wot frenetisce wyskaceho publikuma, činjachu. Najprjedy trjechi Streli Mamba z padom dozady (15. wrota sezony w 15. hrě) k 1:1 (69.), štyri mjeńšiny pozdźišo přetwori kapitan Mark Stein wotskočeny bul k nawjedowanju 2:1. (73.). Nětko FCE předskok wušiknje zakitowaše a mocy hosći dale a bóle popu- šćachu. Georg Zielonkowski
Tři dypki bohužel z rukow dali
FSV Łuty – SJ Njebjelčicy 3:3 (1:2)
Zestawa hosći: Hahn – Hoelzel, Hrjehor, Pawlik, Hanuza, Haška, Kral (90. Domš), Lejnart, Šołta, Ričel, Korjeńk (82. Zeller)
Hižo zahe nawjedowachu koparjo Njebjelčanskeje SJ we Łutach z 0:1 (5.) přez wrota Handrija Korjeńka. Domjacy w 23. min. wurunachu. Wosom mjeńšin pozdźišo pak postara so Robert Lejnart wo druhe wrota za swój cyłk.
W 70. min. trjechi Florian Ričel po super přihrawce Stefana Krala k 1:3. Wěsty předskok a tři móžne dypki pak su hosćo lochkomyslnje z rukow dali. Łutowčenjo přeprěčichu ze spěšnymi a direktnymi přihrawkami často srjedźne polo a docpěchu w 75. min. wrota k 2:3. A pjeć minutow do kónca samo wurunachu.
W tabulce wokrjesneje ligi-stafla 2 steji SJ Njebjelčicy dale na šestym městnje. Přichodnu njedźelu hraje wona zaso doma, a to wot 15 hodź. přećiwo SV Haselbachtalej. Bjarnat Deleńk
Ze zymskeho spara wotućili
Zo pola serbskich kehelerjow Sokoła Ralbicy/Hórki w aktualnej hrajnej dobje jara derje njeběži, pokazuja wuslědki dypkowych hrow. Wosebje w předposlednjej a předpředposlednjej partiji sy sej myslić móhł, zo njejsu hišće ze zymskeho spara wotućili. W duelu pola druheho tabulki ST wozydłownistwo Kamjenc II pak pokazachu nětko sensacionelny wukon.
Jako prěnjej dyrbještaj Achim Kral a Gisbert Šiman na čarje. Kral z 369 drjewami njebě ze sobu cyle spokojom, Šiman ze 432 pak połnje přeswědči. Šimanowy kontrahent a Kralowy přećiwnik běštaj hišće lěpšej a spowaleštaj 25 kehelow wjace. Handrij Hejduška kuleše kaž w starych časach a spowala 435 kehelow. Hans-Joachim Šěn, hewak nic najsylniši, kuleše nad swojimi móžnosćemi a spowala 420 kehelow. Znowa běštaj Sokołaj wo 30 drjewow špatnišej. Tak dyrbještaj Tobias Mikławšk a Jurij Šiman zastatk 55 kehelow nachwatać. Kamjenskaj hrajerjej přesłapištaj na cyłej liniji. Mikławšk ze 434 a Šiman ze 413 drjewami wotewzaštaj jimaj 103 dypki. Sokoljo radowachu so nad njewočakowanym dobyćom 2503:2455 drjewow. Franc Nowak
Partija přerězna była, wjac pak tež nic
ST Marijina hwězda – LSV Nowe Město II 3:0 (1:0)
Zestawa domjacych: Matik – Wróbl, Škoda, Rab, R. Hawš (46. Lipič), Jurš, Kuring, O. Hawš, Schmidt, Eldor (75. Čornak), Pakoßnick (78. Prasse)
W skerje srěnjej partiji wokrjesneje koparskeje ligi přesadźi so faworizowana ST Marijina hwězda přećiwo słabym hosćom z Noweho Města z 3:0. Při nalětnich temperaturach běchu domjacy hru postajacy. Hižo po 120 sekundach poskići so jim dobra móžnosć, jako steješe Richard Hawš po róžku Paula Schmidta nadobo dospołnje swobodny. Hawšowa třělwa ze zdalenosće dweju metrow pak prasny do Jakoba Pakoßnicka na wrotowej liniji. Dalši Schmidtowy róžk wjedźeše k 1:0 (8.) přez Alija Eldora, kiž bul ze zdalenosće pjeć metrow do wrotow zhłójčkowa. Prawa hrajna kultura pak bě w rjadach Pančičanow hakle po něhdźe poł hodźinje spóznajomna. Hosćo čakachu w tej fazy hry na kontery. We 38. min. dóstachu woni wólny kop w zdalenosći 25 metrow. Z wulkotnej paradu pak wrotar Dawid Matik wurunanju zadźěwa.
