Ratarjo chcyli wjace zrozumjenja

štwórtk, 25. junija 2015 spisane wot:
Erfurt (dpa/SN). Na zjězdźe ratarjow Němskeje w Erfurće chcedźa burja wo wjace zrozumjenja ludnosće za swoje dźě­ło wabić. Stajna kritika ratarjow přiběrajcy dušinje poćežuje a jich boli, rje­kny prezident zwjazka Joachim Rukwied. Na druhim dnju zjězda steješe tuž dźensa diskusija ratarjow ze zastupnikami po­litiki na programje. Na njej chcychu wuradźować, kak móhli zrozumjenje mjez ratarjemi a towaršnosću polěpšić. Nimo toho chcyše zwjazkowy ratarski minister Christian Schmidt (CDU) k 600 delegatam zjězda rěčeć. Ze swojim zjězdom burja­ dopokazuja, „zo so towaršnostnej debaće njewuwinu“, Schmidt do zjězda rjekny, namołwjejo do wobšěrneho dialoga we wobłuku zežiwjenja a ratarstwa.

dale čitać ...

Queen dale po puću

štwórtk, 25. junija 2015 spisane wot:

Němska zwjesela so tele dny wopyta monarchowki. Britiska kralowna Elizabeth II. je pjaty raz na wiziće zwjazkoweje republiki. Wšudźe, hdźež so zjawnje jewi, ju syły ludnosće wutrobnje a přećelnje witaja.

dale čitać ...

Maas: Žane zrozumjenje

štwórtk, 25. junija 2015 spisane wot:
Freital (dpa/SN). Zwjazkowy justicny minister Heiko Maas (SPD) je agresiwne wustupowanje­ demonstrantow přećiwo ćěkancam w Freitalu raznje kritizował. „Starosće a wobmyslenja měli so w dialogu rozrisać. Štóž pak hidu na wukrajnikow šěri, tomu dyrbimy so do puća stajić“, rjekny Maas dźensa w Berlinje. Namołwy k namocy přećiwo ćěkancam njejsu scyła akceptabelne. Wčera wječor běchu so třeći wječor za sobu přećiwnicy domu požadarjow azyla před něhdyšim hotelom w Freitalu zhromadźili, zo bychu wótře přećiwo zaměstnjenju ćěkancow w domje protestowali. Něhdźe 80 demonstrantow dom škitaše. Policija wobě lěhwje dźěleše. K zražkam njedóńdźe.

dale čitać ...

Milica IS Kobane znowa nadběhuje

štwórtk, 25. junija 2015 spisane wot:
Kobane (dpa/SN). Teroristiska milica Islamski stat (IS) je so znowa do sewjerosyriskeho města Kobane zadobyła. Minjenu nóc je we wšelakich měšćanskich dźělach k ćežkim wojowanjam mjez kurdiskimi jednotkami a ekstremistami dóšło, kaž syriska wobkedźbowarnja za čłowjeske prawa zdźěla. Při wojowanjach su dźesatki ludźi žiwjenje přisadźili. IS bě wot Kurdow wobydlene město loni hižo raz nadpadnyła a wulke dźěle wobsadźiła. Z pomocu nalětow mjezynarodneje koalicije a kurdiskich wojowarjow mó­žachu po měsacy trajacych bojach wo­jowarjow IS wutłóčić. W januaru 2015 Kobane doskónčnje wuswobodźichu. Minjene tydźenje běchu so prěni wobydlerjo do roztřělaneho města wróćili.

dale čitać ...

To a tamne (25.06.15)

štwórtk, 25. junija 2015 spisane wot:

Paket z 13 žiwymi hadami je awstralska policija sćazała. Pašowanje reptilijow bě so při rutinowej kontroli w mjezynarodnej rozdźělerni pósta w Melbournje wukopało. Paket pochadźeše z Indoneskeje. Kaž awstralski ratarski zarjad zdźěli, su hady morili.

Zo by swojeho njepřijomneho něhdy­šeho lubowarja skónčnje wotbyła, je žona­ z Delnjeje Sakskeje zhromadnje z mandźelskim krawne mordarstwo inscenowała. Wona lehny so na špundowanje, da so z kečupom namazać a fotografować. Foto pósła něhdyšemu lubowarjej, kiž ju hižo dlěje z mejlkami a intimnymi fotami přesćěhowaše, dokelž chcyše so wjećić. Jako muž foto wuhlada, alarmowaše policiju, kotraž „wopor a skućićela“ žiweju namaka.

dale čitać ...

Łužica (25.06.15)

štwórtk, 25. junija 2015 spisane wot:

Inowaciski centrum zahaji dźěło

Podstupim/Choćebuz (SN/ch). Inowaciski centrum Moderna industrija Braniborska na Braniborskej techniskej uniwersiće Choćebuz-Zły Komorow (BTU) započnje w juliju dźěłać. Tak nastanje nowy­ kontaktny a poradźowanski běrow za małe a srjedźostawske předewzaća, kotrež chcedźa wužadanjam přiběraceho splećenja produkcije z informaciskimi technologijemi wotpowědować. Braniborska je kraj srjedźneho stawa. Nimale 95 procentow zawodow w předźěłacym přemysle su małe a srjedźne předewzaća. W inowaciskim centrumje dóstanu wone radu a podpěru ekspertow z wědomosće a slědźenja.

Rozsudźa wo spěchowanju

dale čitać ...

Torsten Mak předsyda rady

srjeda, 24. junija 2015 spisane wot:

Nowa Rada za serbske naležnosće Brani­borskeje je so wčera w Podstupimje skonstituowała. Prěni raz běchu tam serbsku radu po nowym modusu listowych wólbow wuzwolili.

dale čitać ...

Zwjazkowy prezident Joachim Gauck je dźensa w Berlinje britisku ...

srjeda, 24. junija 2015 spisane wot:
Zwjazkowy prezident Joachim Gauck je dźensa w Berlinje britisku kralownu Elizabeth II. a jeje mandźelskeho, princa Philipa, witał. Hósć z Londona postrowi tež před hrodom Bellevue čakacych ludźi. Na to podaštaj so kralowna a jeje mandźelski z čołmom po Sprjewi ke kanclerskemu zarjadej, hdźež jeju zwjazkowa kanclerka Angela Merkel (CDU) powita. Foto: dpa/Markus Schreiber

dale čitać ...

Tež prezidenća wobčušleni

srjeda, 24. junija 2015 spisane wot:
Paris/Washington (dpa/SN/K). Hnydom třoch francoskich prezidentow je ame­riska tajna słužba NSA wobčušlała. To je najnowše­ wotkryće Wikileaksa. „Wotposłuchani“ buchu Jacques Chirac, Nicolas­ Sarkozy a François Hollande. Nimo­ toho buchu wysocy zastojnicy knježerstwa „dohladowani“, rěkaše wčera wječor na internetnej stronje woneje wotkrywanskeje platformy. Wikileaks powołuje­ so na tajne podłožki NSA. Knježerstwo­ USA najprjedy jónu kóžde­ž­kuli konkretne stejišćo nastupajo přewšo skandaloznu naležnosć wotpoka­zuje. Francoska je nablaku reagowała. Prezident Hollande zwoła za jutře zakito­wansku radu. Wona ma „wo naturje“ w nowinach publikowanych informa­cijow kaž tež wo „zmysłapołnych kon­kluzijach“ wuradźować.

dale čitać ...

Krejpřeliwanje zakónčić

srjeda, 24. junija 2015 spisane wot:

Štyrjo wonkowni ministrojo naležnje namołwjeja

Paris/Washington (dpa/SN/K). Wonkowni ministrojo Němskeje, Francoskeje, Ruskeje a Ukrainy su dźiwajo na to, zo dochadźa z winy wobeju stron přeco zaso k wojowanjam w Donbaskim regionje, k tomu namołwili, zakónčić krejpřeliwanje na wuchodnej Ukrainje. „Pominamy spěšnu deeskalaciju a hnydomny přiměr“, rjekny šef francoskeje diplomatije Laurent Fabius wčera wječor po jich zetkanju. Jeho němski kolega Frank-Walter Steinmeier (SPD) so nadźija, zo su rozmołwy puć zrunali k lokalnemu při­měrej we wuchodoukrainskim sydlišću Širokinje.

dale čitać ...
strona 557 wot 559
e-paper-wudaće:14.06.2024

Atraktiwne mzdy wužadanje

dźěłowe městna w LND

aktualne wupisanja

nowostki LND