Sylny přećiwnik
SJ Njebjelčicy
– ST Hnašecy-Dobruša 2:7 (2:3)
Zestawa domjacych: D. Ričel (46. Hahn) – Kral (46. Šołta), Deleńk, Hrjehor, Hoelzel (77. Šram), Janca, Hommel, Lejnart, Cyž, F. Ričel (77. Mjechela), Čornak
Za swoju třeću testowu hru su sej Njebjelčanscy koparjo sylneho přećiwnika z Hnašec-Dobruše přeprosyli, zastupjerja wokrjesneje wyšeje ligi. Zo budźe to ćežki bój, bě wšitkim zwoprědka wěste. Nimo toho pobrachowachu Njebjelčanam štyrjo stajni hrajerjo w defensiwje. Prěnje wrota pak docpě Robert Lejnart, a to hižo w 1. min. Šibale sadźi wón bul hnydom po zakopje direktnje přez wrotarja wysoko do saka k 1:0. Hosćo, chowancy bywšeho Chróšćanskeho trenarja Dirka Rettiga, pak dołho njetrjebachu a w 9. min. wurunachu. Dalše wrota docpěchu woni w 26. min. přez direktny wólny kop a 1:3 dwě mjeńšinje po tym. Po hratej poł hodźinje skrótši Tomy Hommel rjenje na 2:3, štož bě zdobom staw prěnjeje połojcy hry.
W Lipsku wjace móžno było
Lok Lipsk
– FC Energija Choćebuz 1:1 (1:1)
Zestawa FCE: Meyer-Schade – Knechtel, Weidlich (90.+1 Matuwila), Viteritti, Gehrmann, Karbstein, Kruse, Stein, Förster, Baude, Putze (75. Mamba)
Z wulkej njewěstosću běchu so koparjo FC Energije Choćebuz sobotu do Lipska podali. Sylnosć swójskeho mustwa njehodźeše so hódnoćić. Tež wukonliwosć přećiwnika, kotryž bě z wyšeje do regionalneje ligi postupił, njehodźeše so prěni hrajny dźeń hišće prawje zarjadować. Po zazběhowej partiji, kotraž skónči so 1:1, hodźi so tu napisać, zo je FCE jedyn dypk dobyła a dwaj dariła. Wona je domjacych w prěnich mjeńšinach pod wulki ćišć stajiła, po tym zo bě kapitan Marc Stein hižo zahe 1:0 (12.) docpěł. Na to pak spyta hru jenož hišće kontrolować a přesta nadběhować. Přihladowarjo tajke hraće hižo ze zašłeje sezony znajachu, a tuž běše bjez dźiwa, zo lokomotiwa hišće do połčasa (29.) wuruna. Třělc wrotow Djamal Ziane bě loni hišće za młodźinu A FC Energije zasadźeny.
FC Energija z nowym kaderom
Po zestupje do regionalneje koparskeje ligi je nimale cyłe mustwo FC Energije rozpadnyło. Tuž měješe předsydstwo z trenarjom Claus-Dieter „Pele“ Wollitzom nuzu, sej kompletnje nowy cyłk za aktualnu hrajnu dobu zestajeć.
Mustwo wopušćili su: Sergi Arimany (SV Kapfenberg), Sven Michel (SC Paderborn), Manuel Zeitz (1. FC Saarbrücken), Richard Sukuta-Pasu (SV Sandhausen), Felix Geisler (FSV Zwickau), Tim Häußler (FC Bayern Mnichow II), Torsten Mattuschka (VSG Altglienicke), Christopher Schorch (FSV Frankfurt), Fabio Kaufmann (FC Rudne horiny Aue), Marco Holz (1. FC Saarbrücken), Daniel Lück (Sturm Graz), Valentin Cretu (Gaz Metan Medias), Joni Kauko (Randers FC), Mounir Bouziane (1. FSV Mainz 05 II), Thomas Hübener, Frederick Kyereh, Andrei Lungu, Uwe Möhrle, Robin Szarka, Patrick Breitkreuz (wšitcy cil njeznaty), René Renno (na druhim polu pola FC Energije aktiwny) Jurij Bjeńš
Wuslědki testowych hrow
krajna koparska runina
Jednota Kamjenc – Biskopicy5:2
Chrósćicy – Großröhrsdorf4:0
Hrádek nad Nisou – Chrósćicy3:2
wokrjesna runina
HZ Wulka Dubrawa – Ralbicy0:7
Kulow – Lok Slepo2:1
Chrósćicy II – Biskopicy III2:0
Jurij Bjeńš
Widźał, słyšał, napisał (01.08.16)
Awtor dźensa
Tadej Cyž
W kopańcy je lětnja přestawka na cilowej čarje. Mnohe mustwa testuja formu w přećelskich hrach a přihotuja so tak na nowu sezonu. W 1. zwjazkowej lize započnu so dypkowe hry hakle kónc awgusta. Europske mišterstwa su hrajny plan trochu přesunyli. Wosebje w kadrje wicemištra z Dortmunda je so tójšto změniło. Tuchelowy nadawk nětko je ručež móžno nowych koparjow do mustwa integrować. Tež pola Bayerow wuhladamy nowe mjezwočo w lize. Carlo Ancelloti je nětko jich trenar. Snano móža pod jeho režiju zaso raz wubědźowanje champions league dobyć. Europskeho mištra wšak Mnichowčenjo hižo maja – Portugiza Renato Sanches je jedyn z nowačkow pola němskeho mištra.
Wuslědki (01.08.16)
Regionalna koparska liga
Meuselwitz – Jena0:2 (0:0)
Babelsberg 03 – Nordhausen 0:2 (0:1)
Schönberg – Berlinski AK 3:0 (1:0)
RB Lipsk II – Hertha BSC II 2:0 (1:0)
Neugersdorf – Luckenwalde 4:0 (1:0)
BFC Dynamo – Fürstenwalde 5:0 (3:0)
FC Viktoria – Neustrelitz 3:0 (1:0)
Auerbach – Budissa Budyšin 2:1 (1:2)
Lok Lipsk – Energija Choćebuz 1:1 (1:1)
1. BFC Dynamo 1 5 : 0 3
2. Neugersdorf 1 4 : 0 3
3. Schönberg 1 3 : 0 3
3. FC Viktoria 1 3 : 0 3
5. Jena 1 2 : 0 3
5. Nordhausen 1 2 : 0 3
5. RB Lipsk II 1 2 : 0 3
8. Auerbach 1 2 : 1 3
9. Lok Lipsk 1 1 : 1 1
9. Energija Choćebuz 1 1 : 1 1
11. Budissa Budyšin 1 1 : 2 0
12. Hertha BSC II 1 0 : 2 0
12. Babelsberg 03 1 0 : 2 0
12. Meuselwitz 1 0 : 2 0
15. Berlinski AK 1 0 : 3 0
15. Neustrelitz 1 0 : 3 0
17. Luckenwalde 1 0 : 4 0
18. Fürstenwalde 1 0 : 5 0
Sport (29.07.16)
Jěchanski turněr
Něhdźe 400 koni wubědźuje so wot dźensnišeho hač do njedźele w Bošecach na mjeztym 10. jěchanskim a skakanskim turněrje. Dźensa a jutře su wurisanja stajnje wot 7 do 18 hodź., zajutřišim wot 7 do 16.30 hodź.
Pytaja koparskich sudnikow
Nowy wukubłanski kurs za sudnikow na teritoriju Zapadołužiskeho koparskeho zwjazka (WFV) započnje so 3. septembra w Němskich Pazlicach. Přizjewjenske formality zhonja zajimcy wot zamołwitych w sportowych zjednoćenstwach abo na internetnej stronje WFV.
Beachtura Satkule
Přichodny beachvolleyballowy turněr Radija Satkula budźe póndźelu wot 19 hodź. w Róžeńće. Dalše přihotowanske wurisanje za Miłočanski turněr móhli 8. abo 15. awgusta w Budyšinje přewjesć.
Kónc tydźenja za bulom honić
We Wulkich Ždźarach tónle kónc tydźenja zaso za bulom honja. Dźensa wot 18 hodź. hraja tam stari knježa z Łutow, Wojerec, Wulkich Ždźarow a Rakec. Jutře wot 9.30 hodź. budźe dorostowy koparski turněr a wot 14 hodź. wuhraja štyri cyłki 45. Hórnikečanski pokalny turněr. Njedźelu w 10 hodź. nastupi stara garda nad 60 lětami.
Poskića płuwanski seminar
Direktnje wróćo do třećeje ligi
Poprawom je to jenož plan. Hač hodźi so wón zwoprawdźić, pokaza so w prěnich dźesać hrach. Jenički zaměr trenarja FC Energije Choćebuz Clausa-Dietera Wollitza za sezonu 2016/17 je prěnje městno w regionalnej lize. „Smy drje w absolutnym přetworjenju. Ničo pak njeměło nas w boju wo tónle cil wotdźeržeć. Tež nic, hdyž so přećiwnicy hišće bóle prócuja. Mjeno Energije steji w myslach ludźi regiona přeco hišće w kategoriji wyšoklasowa kopańca. A do njeje zaso chcemy!“ Wollitz rěči tež wo „loteriji relegacija“; dokelž pak so wona dypkowym hram přizamknje, nochce so wón wot tohole přidatneho zadźěwka wobwliwować dać.
