Přidatny čas w pokalnym kole trjebali

póndźela, 12. awgusta 2019
artikl hódnoćić
(0 )
 Trenar Budis sy Tomaš Henčl  Foto: Torsten Zettl  Trenar Budis sy Tomaš Henčl Foto: Torsten Zettl

SV Lichtenberg – FSV Budissa Budy­šin 1:2 (1:1) po po­dlěšenju

Zestawa hosći: Zoul – Patka, Lehmann, Hagemann (75. Mühlmann), Kubitz (91. Fischer), Noack (63. Hentsch), Gärtner, Henčl (119. Meißner), Rülicke, Gröschke, Sidlo

Něhdźe 250 ludźi njeje so wčera popołdnju na sportnišću w Lichtenbergu mjerzało, zo bě sej duel zastupjerja krajneje koparskeje klasy přećiwo přećiwnikej z krajneje ligi wobhladało.

Nowy team Budissy Budyšin započa z wulkej koncentraciju a z porjadnym ćišćom na wrota hosćićela. Prěnje znamjo sadźi Tom Henčl z třělwu na łatu. Nětko wšitcy wědźachu, do kotreho směra drje duel póńdźe. Budissa běše hru postajace mustwo. Přeco zaso zadźěwa wrotar hosćićela Simon Esser z wuběrnymi paradami zastatkej Lichtenberga, a to byrnjež wón po wuprajenju hosćićelow jenož narunanski wrotar był. Krótko do połčasa pak steješe partija nimale na hłowje, dokelž zhłójčkowa Torsten Gronwaldt bul na žerdź hóstnych wrotow.

wozjewjene w: Sport
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND