W derbyju přepozdźe wotućili a hrać započeli

wutora, 19. januara 2021
artikl hódnoćić
(0 )
W 17 hrach je Rylan Schwartz dotal dźesać razow trjechił a dźewjeć wrotow přihotował.  Foto: Thomas Heide W 17 hrach je Rylan Schwartz dotal dźesać razow trjechił a dźewjeć wrotow přihotował. Foto: Thomas Heide

Lodowi piraća Crimmitschau –

Łužiske liški Běła Woda 3:2

(2:0, 1:2, 0:0)

Tež w zapadosakskim Crimmitschauwje su Běłowodźanscy lodohokejisća ze swojej negatiwnej seriju pokročowali a štwór­ty raz za sobu přěhrali. Sprěnja bě ofensiwa přesłaba. Třělwy na wrota a šansy njewotpowědowachu a njewotpowěduja tuchwilu kwaliće druheje zwjazkoweje ligi. Tež w powerplayju klaca. Su-li Łužiske liški raz z mužom wjac na hrajnišću, pobrachuja jim ideje, druhdy wězo tež zbožo. Wulki brach su přihrawki, kotrež su wažne za spěšnu ofensiwnu hru. Wone pak su přehusto přešpatne, runje tak kaž diagonalne přihrawki. Te kontrahenća zdźěla jara lochce wotpopadnu, a tak je stajnje chětro wobćežne sej puk zaso do swój­skich rjadow wróćo zdobyć.

Furioznje běchu domjacy partiju započeli. W 4. a 7. min. móžachu woni wyskać, štož za Liški rěkaše spytać zastatk wurunać. To pak so jim w prěnjej třećinje wjac njeporadźi, a to tež horjeka mjenowanych přičin dla.

wozjewjene w: Sport
Prošu přizjewće so, chceće-li komentar podać

słowo lěta 2020

nawěšk

SERBSKE NOWINY podpěruja:

Novi Sad – kulturna stolica Europy

nowostki LND