Kopicu šansow njewužiwali

wutora, 09. měrca 2021
artikl hódnoćić
(0 )
Tu cyle za tym wupada, zo André Mücke (kotrenar Łužiskich liškow) spokojom njeje.  Foto: Thomas Heide Tu cyle za tym wupada, zo André Mücke (kotrenar Łužiskich liškow) spokojom njeje. Foto: Thomas Heide

Bayreuth Tigers –

Łužiske liški Běła­ Woda 3:2 ­po podlěšenju (1:1, 0:1, 1:0, 1:0)

Po dwěmaj dobyćomaj je krótka wu­spěšna serija, směš-li to docyła seriju mje­nować, Łužiskich lodohokejowych liškow­ hižo zaso přetorhnjena. W bayerskim Bayreuthu podležachu módro-žołći po podlěšenju 2:3. „Móžemy wo zbožu rěčeć, zo steješe po prěnjej třećinje jenož 1:1“, zjimaše kotrenar Andre Mücke prěnje 20 mjeńšin z wida hosći. Tigry na­wjedowachu mjenujcy hižo po dźewjeć sekundach 1:0, jako puk z neutralneje cony cyle spěšnje na wrota Mac Carrutha prasnychu a přetworichu. W slědowacych mjeńšinach běše domjacy cyłk tež optisce lěpši, njezamó pak wuslědk zwyšić. W powerplayju Běłowodźenjo přez Nicholasa Rossa wurunachu, jako trjechi wón do krótkeho kuta. Běše to jedna z jenož­ mało prawych šansow hosći, čehoždla njebě wurunanje w tym wokomiku runjewon zasłužene.

wozjewjene w: Sport
Prošu přizjewće so, chceće-li komentar podać

Serbska debata

nowostki LND