Pólska ćěkancam z Ukrainy njesebičnje a na wšelke wašnje pomha

Waršawa. Nawal ukrainskich ćěkancow, kotřiž dyrbja před inwaziju Ruskeje do Pólskeje ćěkać, budźi w kraju žołmu solidarity, kajkuž tam hišće dožiwili njejsu. Knježerstwo je wšitke mocy mobilizowało, zo móhło wučerpanym ludźom, kotřiž su zdźěla dny dołho po puću byli, spěšnje pomhać. Podpěru pak skića tež zawody, pomocne organizacije, komunalne zarjadnistwa a priwatne wosoby, kotrež so spontanje k tomu rozsudźeja. Widźiš pak tež ludźi, kotřiž Ukrainjanam poskićeja jich z priwatnymi awtami dale wjezć, samo hač do Němskeje.