Marek Krawc rozprawja wo aktualnje rozjimanych temach w Čěskej

Praha. W nowym lěće dyrbja pućowacy w susodnym kraju hłubšo do swojeje móšnje přimnyć. Za wužiwanje awtodróhow zapłaća wodźerjo wot 1. januara 2 570 krónow (106 eurow) wob lěto. To je 130 krónow wjace hač dotal. Wignety za měsac budu 480 krónow (20 eurow) płaćić a tež za dźesać dnjow abo za jedyn dźeń dyrbja šoferojo z wyšimi płaćiznami ličić. Dźeń na čěskich awtodróhach płaći 230 krónow (9,50 eurow) a dźesać dnjow 300 krónow (12,50 eurow). Wyše płaćizny potrjechja tež tych, kiž su radšo z Čěskej železnicu po puću. Woni dyrbja přichodne lěto 221 krónow (9,10 eurow) za 100 kilometrow zapłaćić. Priwatny ­poskićer RegioJet pak swoje płaćizny njezwyši.