Medije Pólskeje bilancuja połoženje susodneho kraja po štyrjoch lětach wójny
Waršawa. Štwórta róčnica nadpada Ruskeje na Ukrainu je pólskim medijam składnosć, zhladować na bilancu, kotraž je z wonej „zrudnej róčnicu“ zwjazana, kaž nowiny pisaja.
W sćelaku TVN24 je ukrainska žurnalistka Tatjana Serwetnyk, kotraž za pólski sćelak dźěła, naladu Ukrainjanow po štyrjoch lětach wójny přeslědźiła. Kaž nowinarka zwěsći, je 63 procentow ludźi w Ukrainje zwólniwych „ćerpjeć, dołhož je trjeba“. Wona měni, zo je Ruska w tutej wójnje mjeztym 1,2 milionaj wojakow zhubiła, Ukraina porno tomu jenož 100 000 do 140 000 wojakow. Njewotwisne přepytowanja njejsu móžne, dokelž kóžda strona spyta swoje woprawdźite straty zatajić.
