Pólska zjawnosć rozestaja so z přičinami nadpada
Krakow. Hišće tydźeń po grawoćiwym atentaće nichtó njerozumi, čehodla je młody, 24lětny Michał O., sobotu, 7. nazymnika, w centrumje města Krakowa šěsć pasantow zatřělił a dalšich šěsnaćoch zdźěla ćežko zranił. Njezrozumliwe tohorunja je, čehodla bě wón do toho swojeju staršeju a swoju sotru morił. W bydlenju swójby namakachu zastojnicy tež dwě mortwej kóčce. Třělał je atentatnik nimo toho na drožkarjow a jich konje. Mjez wosobami, kotrež buchu při nadpadźe morjene, běštaj wukrajnikaj: Wulkobritaničan a staćanka Awstriskeje.





