Trenar Lottner sej wšo hinak předstaja

wutora, 17. nowembera 2020
artikl hódnoćić
(0 )
Dirk Lottner, nowy šeftrenar regionalneho ligista FC Energije Choćebuz, ma ze swojim nowym mustwom hišće wjele dźěła a wužije za to tuchwilnu přestawku Foto: Georg Zielonkowski Dirk Lottner, nowy šeftrenar regionalneho ligista FC Energije Choćebuz, ma ze swojim nowym mustwom hišće wjele dźěła a wužije za to tuchwilnu přestawku Foto: Georg Zielonkowski

Nowy trenar – nowe zbožo? Pola FC Energije Choćebuz hišće nic. Na čim ­runje klaca a kak sej Dirk Lottner swoje mustwo předstaja, je wón Georgej ­Zielonkowskemu w rozmołwje ­přeradźił.

Knježe Lottnero, pohladamy na dotal poslednju hru w Stadionje přećelstwa. Tam sće přećiwo mustwu FSV Luckenwalde ­jenož 1:1 hrali. To bě chětro zbožowny dypk. Što k partiji měniće?

D. Lottner: Hra njeje derje běžała, ­a smy přećiwnika stajnje zaso k šansam přeprosyli. Je prosće na wšěm pobrachowało, čehoždla móžemy z dypkom hišće derje žiwi być.

Kak přesłapjeny sće z prěnimi tydźenjemi w Choćebuzu? Sće zawěsće z wjac dypkami ličił, abo?

D. Lottner: Přesłapjeny njejsym. Mi pak je napadnyło, zo pod mojej režiju hišće ženje přez cyły čas hrajersce lěpše mustwo njeběchmy. Sym na přikład wočakował, zo po dobyću w Jenje z wjac sebjewědomjom do hry přećiwo Luckenwaldej dźemy a zo to tež na kopanišću pokazamy.

Bě zetkanje na 13. hrajnym dnju zaso krok wróćo?

wozjewjene w: Rozmołwa
Prošu přizjewće so, chceće-li komentar podać

Serbska debata

nowostki LND