Přirodna atmosfera zajimcow wabiła

pjatk, 28. oktobera 2016
artikl hódnoćić
(0 )
Na Němskopazličanski rybarski swjedźeń bě wjele ludźi, wosebje z Kamjenca a wokoliny, přichwatało. Rybarjo pokazachu jim tradicionalne wułójenje rybow. Wikowarjo poskićachu najwšelakoriše přirodne wudźěłki. Foto: Feliks Haza Na Němskopazličanski rybarski swjedźeń bě wjele ludźi, wosebje z Kamjenca a wokoliny, přichwatało. Rybarjo pokazachu jim tradicionalne wułójenje rybow. Wikowarjo poskićachu najwšelakoriše přirodne wudźěłki. Foto: Feliks Haza

Tradicionalne wułójenje rybow dožiwili a słódne rybjace chłóšćenki sej zesłodźeć dali

Łužiske haty su połne žiwjenja, znajmjeńša pokazuja to znowa lětuše žně rybow. Wjele dźěła a prócy je za plahowanje słódnych chłóšćenkow trěbne, wšako traje tři do štyri lěta, prjedy hač so z móličkeje larwy nahladny karp wuwije. Tak je nazymske wułójenje rybow za wobhospodarjerjow hatow kóždy raz wulka překwapjenka. Wobstatk w běhu lěta kontrolować njeje móžno. Hakle žně nałožowanu prócu pokazuja.

Wułójenje rybow z hatow – tak je to předewšěm we Łužicy z wašnjom – zwjazuje so z mjeńšimi abo wjetšimi swjedźenjemi. Łužiske rybowe tydźenje su rjana tradicija, kotraž je so tule wuwiła. Rybarjam při dźěle přihladować a sej hnydom sušenu abo praženu rybu kaž tež rybjacu poliwku zesłodźeć dać, je dźěćom a jich staršim bjezdwěla rjane dožiwjenje. To su zarjadowarjo pytnyli a tuž poskitki dale a bóle rozšěrjeja. Tak swjećachu minjene tydźenje na přikład we Worklecach, Radworju, Klětnom, Wysokej, Němskich Pazlicach a Bóšicach.

wozjewjene w: Předźenak

Galerija

dalši wobraz (1) Sak je rybarjam najwažniši pomocny srědk při žnjach rybow. Za wurosćene ryby wužiwaja woni sak z wulkimi wokami. Foto: SN/Maćij Bulank
dalši wobraz (2) Čłonojo Radworskeho kupoweho zjednoćenstwa pražachu rybu, z kotrejž hosći rybarskeho swjedźenja zawjeselichu. Foto: Bianka Šeferowa
dalši wobraz (3) Hač do nowembra chcedźa w Klětnom 270 hektarow rybow z hatow wułójić. Hižo 8. oktobra mějachu we wsy swój wosebity nazymski swjedźeń. Foto: Joachim Rjela
Prošu přizjewće so, chceće-li komentar podać

słowo lěta 2022

nawěšk

nowostki LND