„Radźena kermuša hospozu chwali“

pjatk, 11. nowembera 2016
artikl hódnoćić
(0 )
Dominik, Diana a Tomaš Hajnec dadźa sej cokorowu watu na lětušej kermuši we Worklecach zesłodźeć. Kóžde lěto zawjeseleja tam wobydlerjow a jich hosći z karuselom, losowanskej a třělenskej budu a dalšimi poskitkami.  Foto: Feliks Haza Dominik, Diana a Tomaš Hajnec dadźa sej cokorowu watu na lětušej kermuši we Worklecach zesłodźeć. Kóžde lěto zawjeseleja tam wobydlerjow a jich hosći z karuselom, losowanskej a třělenskej budu a dalšimi poskitkami. Foto: Feliks Haza

Nazymski wjeršk domchowanka swjeći so hižo lětstotki – Kak to něhdy bě a kak dźensa?

Směje so na tebje kaž kermušny tykanc.

Štóž syty na kermušu dźe, drje hłódny z kermuše póńdźe.


Po kwasu žonu, po křćiznach dźěćo, a po kermuši womazane­ sćěny.

Kermušna pěc – wonjata wěc.


Kermušu po wobjedźe budźe lěpje.

Wóndy tučna kermuša, dźensa sucha móšnička.


Kwasne a kermušne karpy rady płuwaja, ale nic we wodźe.

Žita so kurja kaž kermušu wsy.


W prjedawšich časach su Serbja – kaž to naši prjedownicy powědać wědźa – swoju kermušu tři abo štyri dny swjećili a zwuraznjeli tak wjeselo nad tym, zo su derje swoje žně dochowali, dokelž dyrbjachu wšo z ruku činić a z konjemi a kruwami, štož wězo pomałšo dźěše a sčini jich hišće bóle wot wjedra wotwisnych hač našich prodrustwownikow dźensa, kotřiž maja wulke mašiny a kombajny. Woni dyrbjachu tehdom tež wjele ćešo dźěłać, tohodla chcyše so jim po dokonjanym dźěle tykanca. A tuž swjećachu swoju dochowanku, a teje wjeršk běše kermuš, hdźež běchu hłowne atributy dobra hosćina, radosć a reje.

wozjewjene w: Předźenak

Galerija

dalši wobraz (1) W Chelnjanskej Winarjec pjekarni a druhdźe běchu ludźo w prjedawšich časach sami swoje kermušne tykancy pjekli. Foto: Kurt Hajna
dalši wobraz (2) Tež na Budysku kermušu wabi kóžde lěto wosebity hermank. Tón wšak je wjele wjetši hač na našich serbskich wsach. Foto: SN/Maćij Bulank
dalši wobraz (3) Na kermušce młodźiny lěta 2008 na Chróšćanskej Krawčikec žurli su młodostni tež k serbskim pěsničkam rejwali. Foto: SN/Maćij Bulank
Prošu přizjewće so, chceće-li komentar podać

nawěšk