Klawěry marki Försterpo wšěm swěće znate

pjatk, 23. februara 2018
artikl hódnoćić
(0 )
Annemarie Kampf twari klawěry. Wona je swoje wukubłanje njedawno w jeničkej klawěrytwarskej šuli Němskeje Oscar Walcker  w Ludwigsburgu zakónčiła. W Lubijskej Försterec manufakturje so jej jara lubi. Tam je jedna z mało žónskich. Annemarie Kampf twari klawěry. Wona je swoje wukubłanje njedawno w jeničkej klawěrytwarskej šuli Němskeje Oscar Walcker w Ludwigsburgu zakónčiła. W Lubijskej Försterec manufakturje so jej jara lubi. Tam je jedna z mało žónskich.

Hač je to w Šotiskej operje Glasgow, w Moskowskej statnej operje, w baletnej šuli Nowosibirska, hač w Salzburgskim Mozarteumje abo w Budyskim Serbskim ludowym ansamblu – wšudźe hraja na křidłach marki Förster. A nic naposledk zwučuja dźěći tež w swójbach po cyłej Němskej na tajkich klawěrach a na nich nimo klasiki rady­ boogie-woogie, cunje balady runje tak kaž blues hudźa.

„Försterec“ instrumenty maja cyle woseb­ity a jónkrótny zynk. Haj, wone su dźen­sa runje tak woblubowane kaž w lěće 1859. Tehdy załoži August Förster w Lubiju pianomanufakturu, kotrejež mjeno bu po cyłym swěće znate.

Jako podamoj so z fotografom na wobchodźenje manufaktury, naju marketingowy šef firmy Gabriel Wandt přewodźa. W składźe, hdźež jako prěnje załožimy, wonja za čerstwym drjewom wšěch móžnych družin. Worješina, krušwa, buk abo dub – wšě móžne družiny štomow tam na tołše deski rozrězane na polcach leža. Runje tak składuja tam wšelake furněry kaž mahagoni. Zwjetša přiwjezu drjewo z blišich rězakow, ale tež z Alpow, zo bychu je tam za filigrane předźěłanje přez wjacore měsacy sušili.

wozjewjene w: Předźenak

Galerija

dalši wobraz (1) Marcus Rohmund ma přewšo dobry słuch a nowe instrumenty Försterec manu faktury hłosuje. Za to pak trjeba měr a wutrajnosć. SN/Maćij Bulank
dalši wobraz (2) Zo bychu so křidła a klawěry rjenje błyšćili a zo bychu drjewo a furněry prawje skutkowali, dyrbi je Steffen Werner wušiknje polěrować.
dalši wobraz (3) Ralph Kutschke je klawěrotwarc a dyrbi so na předdźěło swojich kolegow stoprocentnje spušćeć móc. Tule pruwuje „hamorki“.
Prošu přizjewće so, chceće-li komentar podać

Serbska debata

nowostki LND