600 lět Sernjany – zajimawe stawizniske powěsće wo delanskej wsy 3

pjatk, 22. februara 2019
artikl hódnoćić
(0 )
Deleńca – čeladny dom Sernjanskeho knježeho dwora, kotrehož horni poschod je po 1919 zemrětym nanje syn Albert Rocho w lěće 1920 dotwarił.  Foto: Pawoł Rota, 1960 Deleńca – čeladny dom Sernjanskeho knježeho dwora, kotrehož horni poschod je po 1919 zemrětym nanje syn Albert Rocho w lěće 1920 dotwarił. Foto: Pawoł Rota, 1960

Sernjany swjeća lětsa prěnje pisomne naspomnjenje před 600 lětami. Rodźeny­ Sernjančan a dobry znajer stawiznow­ delanskich wsow Pawoł Rota­ je někotre stawizniske zajimawostki wo wsy zestajał, kotrež čitarjam Serbskich Nowin we wjacorych dźělach spřistupnjamy:

Žanu debjenku Šunowski ćěsla Pětr Rocho­ w Sernjanach přewzał njebě, jako so 1885 na tudyšim bywšim knježim dworje ze swojim twarskim předewzaćom zasydli a 1901 swój rězak załoži. To wobrazaj z kónca 19. lětstotka wobswědčatej. Ale městno bě přihódne. A klóšter jako mějićel (wot lěta 1852) bě wěsće spokojom, zo bě sej starosć wo swoje wobsydstwo wolóžił a zdobom dochody z njeho zawěsćił. Z cyłych 28 lět zanjechaneho dwórskeho haćika je Rocho 1894 zaso nahladny haćik stworił. Cyły hród wón pozdźišo wobnowi, zo je dalšich něhdźe 80 lět bydlenskim zaměram słužił. Nazymu 1981 bu hród wottorhany a z jeho rozpadankami hatk zasypany.

wozjewjene w: Předźenak
Prošu přizjewće so, chceće-li komentar podać

nawěšk

SERBSKE NOWINY podpěruja:

Novi Sad – kulturna stolica Europy

nowostki LND