Krosnowanske móžnosće maja tež w Budyšinje a wokolinje

pjatk, 24. meje 2019
artikl hódnoćić
(0 )
Kóždy štwórtk zwučuja dźěći w sportowej hali Budyskeho Schilleroweho gym nazija na krosnowanskej sćěnje. Tam so mjez sobu pohonjeja a sej pomhaja. Wězo su při tym stajnje dokładnje zawěsćene.  Foto: SN/Hanka Šěnec Kóždy štwórtk zwučuja dźěći w sportowej hali Budyskeho Schilleroweho gym nazija na krosnowanskej sćěnje. Tam so mjez sobu pohonjeja a sej pomhaja. Wězo su při tym stajnje dokładnje zawěsćene. Foto: SN/Hanka Šěnec

Krosnował je zawěsće hižo kóždy z nas, wšako je jako dźěćo rady po něčim horje lězł. Hdyž sy dorosćeny, tale kajkosć skerje woteběra. W zašłych lětach je so profesionelne krosnowanje we wšelakich starobnych skupinach wuwiło. Wotpowědne sćěny su mjeztym w mnohich sportowych halach instalowane, tak tež w hali Budyskeho­ Schilleroweho gymnazija, kotruž wužiwa wjacespartowe sportowe towarstwo­ (MSV) sprjewineho města.

Sport je strowy a wokřewja ćěło kaž dušu. Ludźo horja so tuž za najwšelakoriše sportowe družiny. Krosnowanje jako jedna tajka je so minjene lěta mjez lubowarjemi sporta razantnje wuwiła a etablěrowała. Na klětušich Olympiskich lětnich hrach w Japanskej budźe krosnowanje samo jedne z wurisanjow.

Hižo wot lěta 1992 słuša hórski sport k poskitkam na Budyskim Schillerowym gymnaziju. Wot lěta 2004 je do MSV sprjewineho města integrowany. Hač do 160 sobustawow towarstwa, mjez nimi něhdźe sto dźěći a młodostnych w starobje wot šěsć lět, tam trenuje. Krosnowanske sćěny wužiwaja šulerjo 6. lětnika gymnazija tež we wobłuku cyłodnjowskeho poskitka.

wozjewjene w: Předźenak

Galerija

dalši wobraz (1) Lucian Šołta z Budyšina zamóže so hižo dosć wušiknje po krosnowanskej sćěnje pohibować.
Prošu přizjewće so, chceće-li komentar podać

nawěšk

  • Sernjany su swoju róčnicu prěnjeho naspomnjenja wsy před 600 lětami z wosebitym wjesnym swjedźenjom wuspěšnje woswjećili. Tule nańdźeće někotre fotowe impresije wo tym:
Zerna feierte unlängst die Ersterwähnung des Ortes vor 600 Jahren mit einem beson

nowostki LND