Fota: Felix GrimmigZe zapřadkow wulězu čerwjene murjowe pčołki při temperaturach wokoło 12 stopnjow.Na dompuću mějachmy ruce połnej, jako zběrachmy njerjad podłu hłowneje dróhi.Jako mali pčołarjo móžachmy so bjez stracha kołćam bližić a pčołki cyle dokładnje wobkedźbować. Mysliće sej nětko, zo wam bajku ba­jemy? Móže­će nam to woprawdźe wěrić. Smy to a hišće wjele wjac w šul­skim projekće zho­nili a nawuknyli. We wučbje serb­šćiny a němčiny pře­wjedźechmy projekt na temu pčołki. Wjacore šul­ske hodźiny njejsmy jenož wo prawopisu rěčeli, ale smy sej zajimawostki k překasancam wotkryli. Naša wučerka nam na přikład powědaše, zo dyrbja pčołki za jedyn kilogram mjedu wjacore tysacy kćenjow pytać a z nich próšk znosyć. Něhdźe 120 000 kilometrow čary wone za to wotlětaja. To je telko, kaž bychmy něhdźe trójce swěto­wu kulu wobkružili. Pčołki přez cyłu zymu spja. Hdyž nalěto zaso wo­tuća, wone hnydom za nek­tarom njepytaja, ale leća na nuznik. Dokelž so w zymje wuprózdnić njemóža, činja to na prěnim wulěće. My šulerjo smy so doma z temu zabě­rali a našim sobu­šulerjam před­no­šo­wali.