Z kreatiwitu wobohaćeja towaršnostne žiwjenje

pjatk, 13. septembera 2019
artikl hódnoćić
(0 )

Towarstwo wjesnych žonow so čestnohamtsce angažuje a město Budyšin za swjedźenje wupyša

Z lubosću a wulkej prócu wija čłonki towarstwa wjesnych žonow pletwy hałžkow, pyšene z pisanymi kwětkami a zelemi, za lětuši Budyski staroměšćanski festiwal. Žony maja rozwalinu mnišeje cyrkwje wuhotować. Wotwažuja tuž, kelko metrow girlandy je trěbnych, a dojednaja so skónčnje na to dwě pjećmetrowskej a jednu dźesaćmetrowsku nawić. Hałžki za to maja ze swójskich zahrodow. A tak pletu meter wob meter najwšelakoriše družiny hałžkow a debja je přidatnje z pisanymi kćenjemi kwětkow. Kajke to sprócniwe dźěło, kotrež wone čestnohamtsce wukonjeja a tak město Budyšin podpěruja. Tak wobkruća mi to předsydka towarstwa wjesnych žonow wokoło sprjewineho města Hella Helm z Jitka.

wozjewjene w: Předźenak

Galerija

dalši wobraz (1) Žony towarstwa wjesnych žonow su přewšo kreatiwne. Z kćenjow kwětkow a hałžkow su nazymsku pychu přihotowali. Na Budyskim staroměšćanskim festiwalu su je ludźom na předań poskićeli.
dalši wobraz (2) Cyłkownje dwaceći metrow pletwow hałžkow a kwětkow su čłonki towarstwa wjesnych žonow nawili a rozwalinu Mnichowskeje cyrkwje za Budyski měšćanski festiwal wuhotowali. Žony činja to čestnohamtsce a tak město Budyšin mjenje abo bóle zaćichim podpěruja. Z kreatiwnej žiłku wone tak žiwjenje towaršnosće wobohaćeja.Bianka Šeferowa
dalši wobraz (3) Předsydka regionalneho cyłka towarstwa wjesnych žonow Hella Helm
Prošu přizjewće so, chceće-li komentar podać

Serbska debata

nowostki LND