Wćipnosć a wočakowanja zbudźili

pjatk, 27. septembera 2019
artikl hódnoćić
(0 )
Zajim bě tak wulki, zo njejsu minjenu njedźelu wšitkich hosći naraz do noweje wustajeńcy SORBIAN STREET STYLE w Budyskim Serbskim muzeju pušćić móhli.Matej Dźisławk, SN/Maćij Bulank Zajim bě tak wulki, zo njejsu minjenu njedźelu wšitkich hosći naraz do noweje wustajeńcy SORBIAN STREET STYLE w Budyskim Serbskim muzeju pušćić móhli.Matej Dźisławk, SN/Maćij Bulank

Nowa wosebita wustajeńca Budyskeho Serbskeho muzeja SORBIAN STREET STYLE

„Sym jara spokojom z wothłosom“, rjekny nawodnica Serbskeho muzeja Budyšin Christina Boguszowa njedźelu wječor. Tež dwě a poł hodźiny po wotewrjenju noweje wustajeńcy SORBIAN STREET STYLE njeběchu so hišće wšitcy hosćo rozžohnowali. Wćipnosć a wočakowanja přiwabichu něhdźe 130 ludźi, mjez nimi tójšto młodych swójbow. Tuž tež tróšku traješe, prjedy hač je sej kóždy wobhladać móhł, kotre ideje designerojo a šwalče, studenća kaž tež šulerjo za načasnu serbsku modu maja. Před domom diskutowachu wječor přeco hišće někotři wo tym abo tamnym outfiće, wo nowych hudźbnych kruchach Jakuba Gruhla, w kotrychž so wón tež ze serbskej identitu rozestaja, abo wužiwachu składnosć, so z designerami rozmołwjeć.

wozjewjene w: Předźenak

Galerija

dalši wobraz (1) Designerki Claudia Matoušek, Anne Hasselbach, Hella Schwager a Corinna Seiler mějachu swoje wjeselo nad figurami z internetneho wobchoda SerbskiKonsum.
dalši wobraz (2) Wjeršk wernisaže bě performance „krosno“ Marthy Howitz z płachtu Lipšćanskeje demonstracije „Artists for future“.
dalši wobraz (3) Jakub Gruhl poda ze swojimi hudźbnymi kruchami a tekstami nastorki k rozmyslowanju, tež wo serbskej identiće.
Prošu přizjewće so, chceće-li komentar podać

Serbska debata

nowostki LND