Schrift vergrößern
W oktobrje je w Statnym dźiwadle Mainz hra „Krabat“ po romanje Otfrieda Preußlera swoju premjeru dožiwiła. W inscenaciji režisera Markolfa Naujoksa dźiwadźelnicy Julian von Hansemann, Mark Ortel, Rüdiger Hauffe, Lisa Eder a Leoni Schulz (wot lěwa) tež serbsce rěča. Foto: Andreas Etter
Sym prawje słyšała, tule na małym jewišću Statneho dźiwadła w Mainzu? Njeje to spěw „Měj ty dobru nóc“, kotryž kantorka Kristina Gorjanowa runje w hrě „Krabat“ zanošuje? Jazzowa, swobodna interpretacija je jara čućiwa a přeswědčiwa! To dyrbju hnydom na Walburgu Wałdźic a jeje wersiju na cejdejce „Mlokawka“ myslić.
Kristina Gorjanowa njehraje w kruchu „Krabat“ jenož kantorku. Wona tež serbsce spěwa. Jeje jazzowa wersija ludoweho spěwa „Měj ty dobru nóc“ po kompoziciji Markolfa Naujoksa by so zawěsće tež łužiskemu publikumej spodobała.
